विराटनगर, साउन १४
आज देशैभरको मौसम बदली भैरहेको छ । मनसुन सक्रिय भइरहेकाले धेरैदिनदेखि देशका विभिन्न भूभागमा वर्षा भैरहेको जल तथा मौसम पूर्वानुमान महाशाखाले जनाएको छ । आज पनि देशका सबैजसो ठाउँमा पानी पर्ने अनुमान जल तथा मौसम पूर्वानुमान महाशाखाको छ ।
मौसमविद् मिनकुमार अर्यालका अनुसार आज देशका धेरै ठाउँमा हल्कादेखि मध्यम खालको वर्षाको सम्भावना छ । पूर्व क्षेत्रमा आज विहानैदेखि पानी परिरहेको छ । हिजो पश्चिमका केही ठाउँमा ठूलो वर्षा भएको थियो ।
मौसमविद् अर्यालका अनुसार आज ठूलो वर्षाको सम्भावना भने रहेको छैन । तर जमिन भिजिसकेकाले सामान्य वर्षा हुँदा पनि पहिरोको खतरा रहेकाले सावधानी अपनाउन बाढी पूर्वानुमान शाखाले अनुरोध गरेको छ ।
