३ कात्तिक, विराटनगर ।
अविरल वर्षाले केशलिया खाेलामा आएकाे बाढी पसेपछि विराटनगर विमानस्थल बन्द भएको छ । विमानस्थलभित्र सबै स्थान जलमग्न भएको विमानस्थल कार्यालयका प्रमुख उत्सव खरेलले बताए ।
एयरपोर्टकाे धावनमार्गमा पनि डेढफिटसम्म पानी जमेकाे छ । टर्मिनल भवनभित्र पनि पानी जमेकाे छ । खरेलले भने, ‘विमानस्थल छिर्ने गेटेदेखि लिएर, जहाज पार्किङ क्षेत्र, धावनमार्ग, कर्मचारी क्वार्टर जलमग्न छ ।’
उनका अनुसार पानीको निकास नभएसम्म उडान हुन सक्ने अवस्था छैन ।
