विराटनगर,साउन २०
इटहरीबाट प्रहरीले चोरीमा संलग्न एक दर्जन व्यक्तिलाई नियन्त्रणमा लिएको छ ।
पेशेवर रुपमै चोरीमा संलग्न व्यक्तिलाई नियन्त्रणमा लिएको इलाका प्रहरी कार्यालय इटहरीले जनाएकोे छ । नेपाल र भारतका विभिन्न स्थानमा चोरीमा संलग्न उनीहरुलाई विभिन्न स्थानबाट प्रहरीले नियन्त्रणमा लिएको हो ।
टीकाराम श्रेष्ठ सन्देश भनिने दिनेश अधिकारी, रामकुमार विष्ट, दिनेश मरिक डोमलगायतलाई नियन्त्रणमा लिइएको पनि प्रहरी नायव उपरीक्षक शिवकुमार श्रेष्ठले जानकारी दिए ।
नियन्त्रणमा लिइएका चोरहरुबाट घरको ताला र पसलको सटर भत्काउन प्रयोग गरिने फलामका विभिन्न सामग्रीका समेत बरामद भएको प्रहरीले जनाएको छ ।
