२३ कात्तिक, एजेन्सी ।
नाइजरमा एउटा विद्यालयमा भएको आगलागीमा परी कम्तीमा २५ जना बालबालिकाको मृत्यु भएको छ । मरादी शहरको उक्त विद्यालयमा अचानक आगलागी हुँदा दर्जनौ विद्यार्थी घाइते भएका छन् ।
विद्यार्थी पढिरहेको बेलामा आगलागी हुँदा त्यस्तो हताहती भएको हो । आगलागीबाट ज्यान गुमाउने बालबालीकाको उमेर मात्र ५ र ६ वर्ष छ । घाइते मध्ये केहि बच्चाको अवस्था नाजुक छ ।
नाइजेरियमा काठका कोठामा अत्याधिक विद्यार्थी राखेर पढाउने ठूलो समस्या छ । आगलागीवाट ३ वटा कक्षा कोठा पुर्ण क्षति भएका छन् । आगलागीको कारण अहिले सम्म अझात छ तर त्यसको अनुसन्धान भइरहेको प्रहरीले जनाएको छ।
