२३ कार्तिक, एजेन्जी ।
भारतमा अफगानिस्तानका विषयमा हुन लागेको राष्ट्रिय सुरक्षा सल्लाहकार स्तरीय बैठकमा पाकिस्तानपछि अब चीनले पनि सहभागी हुन इन्कार गरेको छ। इण्डियन एक्सप्रेसको एक समाचारमा स्रोतलाई उदृत गर्दै चीनले सहभागी बहुन इन्कार गरेको जनाइएको छ।
चीन बैठकमा सहभागी नहुनुको पछाडि बैठकको समय कारण भएको बताएको समाचारमा जनाइएको छ। बुधबार हुन लागेको यस बैठकमा अलग–अलग देशका राष्ट्रिय सुरक्षा सलाहकारले भाग लिन लागेका छन्।
भारतका राष्ट्रिय सुरक्षा सलाहकार अजीत डोभालले यस बैठकको अध्यक्षता गर्ने छन्। रूस, इरान, तजाकिस्तान, उज्बेकिस्तान, तुर्कमेनिस्तान, काजकस्तान र किर्गिस्तान लगायतले यस बैठकमा भाग लिन लागेका छन्।
चीनले यस बैठकमा सहभागी हुन इन्कार गरेको भएपनि द्विपक्षीय राजनीतिक छलफलका लागि भने तयार रहेको जनाएको छ।
अफगानिस्तानका छिमेकी मात्र नभइ बैठकमा मध्य एशियाली देश पनि सामेल हुन लागेको समाचारमा जनाइएको छ।
पाकिस्तानले पहिल्यै यस बैठकमा सहभागी हुन इन्कार गरेको छ। पाकिस्तानका एनएसए मोइद युसूफले मंगलबार अफगानिस्तानमाथि भारतमा हुने बैठकमा हिस्सा लिने छैन।
