२६ कात्तिक, काठमाडौँ।
प्रधानमन्त्री शेरबहादुर देउवाले न्यायपालिकाभित्र उठेका प्रश्नहरूको समाधान न्यायपालिकाभित्रै खोजिनुपर्ने बताएका छन् ।
बिहीबार गृहमन्त्री बालकृष्ण खाँण, कानूनमन्त्री दिलेन्द्रप्रसाद बडु, सञ्चारमन्त्री ज्ञानेन्द्रबहादुर कार्की लगायतसँगको छलफलमा प्रधानमन्त्री देउवाले न्यायपालिकाको विषयमा सरकार वा दलले हस्तक्षेप गर्न नहुने बताएका हुन् ।
देउवालाई उद्धृत गर्दै छलफलमा सहभागी एक मन्त्रीले भने, ‘अहिले देखिएको गतिरोध न्यायालयको आन्तरिक विषय हो। हामीले यसो गर उसो गर भन्न मिल्दैन ।’
छलफलमा देउवाले न्यायालयको सेवाहरु प्रभावित भएको तर्फ आफू चिन्तित रहेको तर शक्ति पृथकीकरण सिद्धान्त अनुसार सरकारले हस्तक्षेप गर्न नमिल्ने बताए। मन्त्रीहरुले भने न्यायालय विवादबारे सरकारले धारणा तय गर्नुपर्ने बताएका थिए ।
नेपाल बार एशोसियसनले प्रधानन्यायाधीश चोलेन्द्रशमशेर राणाको राजीनामा माग गर्दै आन्दोलन गरिरहेको छ ।
