२९ कात्तिक, पाल्पा।
अवरुद्ध सिद्धार्थ राजमार्ग अन्तर्गत पाल्पा–बुटवल सडक खण्ड सात घण्टापछि सुचारु भएको छ । आज बिहानै खसेको सुख्खा पहिरोले अवरुद्ध भएको थियो ।
सिद्धार्थ राजमार्ग अन्तर्गत तिनाउ गाउँपालिका–३ अन्तर्गत पाल्पाको दोभान हेडबक्स नजिकै नागको मन्दिर अगाडि भागमा ठूलो डुङ्गासहितको सुख्खा पहिरो खसेका कारण राजमार्ग अवरुद्ध भएको थियो ।
पहिरो पन्छाएर सडक एकतर्फी खुलेपछि बिहानै देखि अलपत्र यात्रु तथा सवारी गन्तव्य तर्फ लागेका छन् । दोभान प्रहरीका चौकी प्रमुख विष्णु कुँवरले दिउसो सवा १२ बजेबाट राजमार्ग सुचारु भएको जानकारी दिए ।
