७ मंसिर, दोहा ।
कतारले कम आय भएका देशहरूमा कोरोना विरुद्धको खोप उपलब्ध गराउन १० मिलियन डलर सहयोग गर्ने भएको छ ।
कतार फन्ड फर डेभलपमेन्ट (क्युएफएफडी) ले ग्यावी, भ्याक्सिन एलायन्ससँग पाँच वर्षे सम्झौतामा हस्ताक्षर गर्दै कम आय भएका देशहरूमा खोपहरूमा समान र दिगो पहुँच वृद्धि गर्ने प्रयासलाई समर्थन गर्न १० मिलियन डलर सहयोग गरेको हो ।
हस्ताक्षर गरिएको सम्झौता मार्फत क्युएफएफडीले कम आय भएका देशहरूमा खोपहरूमा पहुँच बढाउन गाभिलाई समर्थन गर्ने र शून्य–डोज बच्चाहरूलाई आधारभूत नियमित खोपको एक डोज पहुँच प्राप्त गर्न सुनिश्चित गर्न भ्याक्सिन एलायन्ससँग काम गर्ने क्युएफएफडीलाई उद्धृत गर्दै क्युएनएले जनाएको छ ।
क्युएफएफडीले विश्वका गरिब देशहरूलाई भ्याक्सिन तथा रोकथाम गर्न सकिने रोगहरू विरुद्ध आर्थिक रूपमा सहयोग गर्न गाभिसँग बलियो रणनीतिक साझेदारी स्थापना ग¥यो जहाँ कतारले २०२१ देखि २०२५ सम्मको अवधिमा खोप कार्यक्रमहरूलाई समर्थन गर्न प्रारम्भिक चरणमा एक करोड डलर उपलब्ध गराउने प्रतिबद्धता गरेको छ।
क्युएफएफडीका परियोजना उपमहानिर्देशक मिसफर अल शाहवानीले भने । ‘हामी क्युएफएफडीबाट योगदान र साझेदारीलाई स्वागत गर्दछौँ, जसले आगामी पाँच वर्षमा खोपहरूमा थप पहुँचलाई सक्षम बनाउनेछ।’
