८ मंसिर, काठमाडौं ।
नेपाली कांग्रेस लमजुङको सभापतिमा डा टकराज गुरुङ निर्वाचित भएका छन्। मंगलबार भएको निर्वाचनबाट सभापतिमा विजयी बनेका गुरुङ पार्टी सभापति शेरबहादुर देउवा पक्षका हुन्।
यसैगरी, लमजुङको उपसभापतिमा आनन्द घिमिरे र श्रीकान्त घिमिरे, सचिवमा विमल श्रेष्ठ र कृष्णबहादुर अधिकारी विजयी बने। सहसचिवमा नरबहादुर गुरुङ र विश्व पौडेल निर्वाचित भएका छन्।
सभापतिमा विजयी गुरुङ संविधान सभा सदस्य पनि थिए। यनी गत निर्वाचनमा लमजुङमा प्रदेश सभाका लागि कांग्रेस उम्मेदवार थिए।
