८ मंसिर, बैतडी ।
बैतडी कांग्रेस सभापतिमा चतुरबहादुर चन्द विजयी भएका छन् । बुधवार बिहान सकिएको मतगणना अनुसार उनले ८०९ मत प्राप्त गरेका छन्। चन्द नेपाल क्रिकेट संघ (क्यान)का अध्यक्ष हुन्।
उनका निकटतम् प्रतिद्वन्दी शिवराज भट्टको ४८९ मत मात्र प्राप्त गरे । एकजना उपसभापतिबाहेक पदाधिकारीमा अन्य पदमा पनि चन्द प्यानलकै उम्मेद्वार विजयी भएका छन् । उपसभापतिमा शिवराज भट्ट प्यानलका वीरबहादुर बिष्टबाहेक अरु सबै पदमा चन्द प्यानलका उम्मेद्वार विजयी भएका हुन् । बिष्टले ६५८ मत प्राप्त गरेर विजय भएका हुन् ।
उपसभापतिमा चन्द प्यानलका खगेन्द्रसिंह धामीले ६२४ मत प्राप्त गरेर विजय हासिल गरेका छन् । यस्तै सचिव पदमा चन्द प्यानलका प्रेमबहादुर चन्दले ६४० र देवराज जोशीले ६३३ विजयी भएका छन् । यस्तै सहसचिवमा पदमा चन्द प्यानलका दिपेन्द्रबहादुर चन्द ६६६ र दशरथसिंह चाड ६५४ मत ल्याएर विजयी भएका छन् ।
बैतडीमा १ हजार ४०९ जना प्रतिनिधि मध्ये १ हजार ३४८ मत खसेको थियो । बैतडीमा संस्थापन पक्षका एकजना उपसभापति बाहेक अरु सबै पदमा चन्द पक्षका उम्मेद्वार विजयी भएका छन् ।
