२२ मंसिर, काठमाडाैँ ।
सेयर बजार मापक नेप्सेमा बुधबार पनि भारी अंकले गिरावट आएको छ । दुई साता देखि निरन्तर रुपमा गिरावट आइरहेको छ । मंगलबार नेप्से परिसूचक ३७.१८ अंकले गिरावट आएको थियो । बुधवार पनि सेयर बजार ५३.०९ अंकले घटेर २ हजार ४५५.८१ अंकमा सिमित भएको छ ।
आज ठूला कम्पनीको कारोबार मापन गर्ने सेन्सेटिभ इन्डेक्स ९.३३ अंकले घटेर ४६४.८० बिन्दुमा झरेको छ । मंगलबार कारोबारका आएका २२६ कम्पनीको ६५ लाख ६० हजार ९४७ कित्ता शेयर २ अर्ब ६६ करोड ३९ लाख ९ हजार ६२० सय रुपैयाँको शेयर कारोबार भएको छ । मंगलबार ३ अर्ब १२ करोड ८३ लाख ४१ हजार ७ सय रुपैयाँको सेयर कारोबार भएको थियो ।
आजको कारोबारमा नेप्सेका १३ उपसमूह सबै राताम्मे देखिएको छ । बैंकिङ २६.१३, विकास बैंक १५१.२१, जलविद्युत ८९.३५, फाइनान्स ७३.४२, निर्जीबन बीमा २३५.६९, जीवन बीमा २९४.४४ उत्पादन तथा प्रशोधन १७०.५६, माइक्रोफाइनान्स समूहको उपसूचक १२५.६२ अंकले घटेको छ । बजार घटेता पनि बुधबारको कारोबारमा ७ कम्पनीको शेयर मूल्य भने बढेको छ । स्ट्यान्डर्ड चार्टड बैंक, मैलुङखोला जलविद्युत, नेपाल एसबीआई बैंक र अजोड इन्स्योरेन्सको शेयर मूल्य बढेको छ । भने सुर्योदय लघुवित्त ,एक्सेल डेभलपमेन्ट बैंक,ग्रीन डेभलपमेन्ट बैंक, नयाँ सारथी लघुवित्त र सामलिङ पावर कम्पनीको शेयर मूल्य घटेको छ ।
बुधबारको कारोबार सबै भन्दा बढी कारोबार नेशनल हाइड्रोपावरको ११ करोड ८८ लाख र नेपाल टेलिकमको १० करोड ९१ लाख रुपैयाँ बराबरको शेयर किनबेच भएको छ ।
