एजेन्सी, साउन ३०
युभेन्ट्सका उपाध्यक्ष पाभेल नेदभेदले क्रिस्टियानो रोनाल्डोलाई रियल म्याड्रिडबाट क्लबमा ल्याउन सफल हुनु असाधारण कदम भएको बताएका छन् । उनले यो सरुवाले क्लबलाई युरोपमा थप स्थापित गर्न मद्दत पुगेकोसमेत बताए ।
पछिल्ला पाँच वर्षमा ४ वटा च्याम्पियन्स लिग उपाधि जित्न सफल ३३ वर्षे रोनाल्डो यहि सिजन १ सय मिलियन युरोमा युभेन्ट्स पुगेका थिए । लगातार सात वर्ष इटालियन सिरिए उपाधि जितेपछि युभेन्ट्सले च्याम्पियन्स लिगमा भने प्रभाव जमाउन सकेको छैन । रोनाल्डोको आगमनसँगै टोली उत्साहित बनेको छ ।
