१० फागुन, काठमाडौँ । नेपाली बजारमा सुनको मूल्य पछिल्लो १५ महिनायताकै उच्च विन्दूमा पुगेको छ ।
आज मंगलबार तोलामा ८ सय रुपैयाँले बढेर छापावाल सुनको मूल्य प्रतितोला ९७ हजार रुपैयाँ कायम भएको छ । जुन मूल्य गत वर्ष कात्तिक २४ गते पछिको सबै भन्दा उच्च मूल्य रहेको नेपाल सुन चाँदी व्यवसायी महासंघले जनाएको छ ।
आज तेजावी सुनको खरिद बिक्री मूल्य ९६ हजार पाँच सय रुपैयाँ तोकिएको छ ।
यस्तै चाँदीको मूल्य तोलामा १५ रुपैयाँले बढेर १३ सय १५ रुपैयाँ पुगेको छ । सोमबार प्रतितोला १३ सय रुपैयाँमा चाँदीको खरिद बिक्री भएको थियो ।
२४ कात्तिक २०७७ मा सुन प्रतितोला ९८ हजार २ सय रुपैयाँमा कारोबार भएको थियो ।