१५ चैत, सुनसरी । सुनसरीको इटहरीमा बम विस्फोट भएको छ ।
गएराति इटहरी उपमहानगर–२ को नवजागृति टोलमा बम विस्फोट हुँदा दुई जना घाइते भएका प्रहरीले जनाएको छ ।
इलाका प्रहरी कार्यालय इटहरीका अनुसार बम विस्फोटमा घाइते हुनेमा इटहरी उपमहानगर–२ नवजागृति टोलका २२ वर्षका रवीन थापा र लमजुङका २३ वर्षका शेरजङ्ग गुरुङ रहेका छन् ।
थापाको विराटनगर आँखा अस्पताल र गुरुङको वीपी कोइराला स्वास्थ्य विज्ञान प्रतिष्ठान धरानमा उपचार भइरहेको छ ।