९ कार्तिक , काठमाण्डौ ।
यमनी हुथीहरूको आक्रमणपछि बन्द भएको साउदी अरबको रियादस्थित किङ खालिद अन्तर्राष्ट्रिय विमानस्थलमा दुई हप्तापछि उडानहरू पुनः सुरु ।
विमानस्थलको आधिकारिक वेबसाइटमा दुबई, पेरिस र कायरोबाट आउने उडानसहित विभिन्न आन्तरिक तथा अन्तर्राष्ट्रिय उडानहरूको तालिका राखियो ।
यद्यपि, उडान ट्र्याकिङ वेबसाइट फ्लाइटराडर२४ का अनुसार केही उडान सञ्चालनमा आए पनि अधिकांश उडान अझै रद्द ।
विमानस्थल पुनः सञ्चालनमा आएको दिन आइतबार बिहान रियादमा विस्फोटका आवाज सुनिएका थिए।
यसअघि सहरलाई लक्षित सम्भावित खतराबारे बासिन्दाहरूलाई एसएमएसमार्फत चेतावनी दिइएको थियो।
विमानस्थल बन्द हुँदा साउदी अरबको प्रमुख लगानी सम्मेलन सन् २०२७ सम्मका लागि सारिएको थियो।
साथै, यात्रुहरू देश प्रवेश गर्न र बाहिरिन वैकल्पिक मार्ग खोज्न बाध्य भएका थिए।
हुथी सैन्य प्रवक्ता याह्या सारीले रियाद विमानस्थल अझै सुरक्षित नरहेको दाबी गर्दै त्यसलाई सैन्य लक्ष्य भएको बताएका छन्।
अन्तर्राष्ट्रिय, क्षेत्रीय तथा स्थानीय विमान कम्पनी, कर्मचारी र यात्रुहरूलाई विमानस्थल प्रयोग नगर्न चेतावनी ।
यस महिनाको एक आक्रमणमा १३ जनाको मृत्यु र ३०० भन्दा बढी घाइते भएको विवरण सार्वजनिक ।
