एजेन्सी, ८ वैशाख ।दिल्ली क्यापिटल्सले इन्डियन प्रिमियर लिग (आईपीएल)टी-२० क्रिकेट प्रतियोगितामा पञ्जाब किंग्सलाई ९ विकेटले पराजित गर्दै तेस्रो जित निकालेको छ ।
१ सय १६ रनको सामान्य लक्ष्य पछ्याएको दिल्लीले १० ओभर ३ बलमा १ विकेट गुमाउँदै पूरा गर्याे । दिल्लीको जितमा डेभिड वार्नरले ३० बलमा सर्वाधिक ६० रन बनाए ।
यसअघि मुम्बईमा टस हारेर ब्याटिङ गरेको पञ्जाबले २० ओभरमा मात्र १ सय १५ रन बनाएकाे थियाे । पञ्जाबका जितेश शर्माले सर्वाधिक ३२ रन बनाए । दिल्लीका खलिल अहमद, ललित यादव, अक्षर पटेल र कुलदिप यादवले २-२ विकेट लिए ।
जितपछि दिल्ली ६ खेलबाट तीन जितसहित ६ अंक जोडेर छैटौँ स्थानमा छ । पञ्जाब ७ खेलमा ३ जितसहित ६ अंक जाेडेर आठौं स्थानमा छ ।