२ जेष्ठ ,सल्यान । सल्यानमा विजयी उत्सव मनाउन आउँदै गरेको गाडीमा करेन्ट लागेर दुई जनाको ज्यान गएको छ । गाडीमा करेन्ट लाग्दा १० जनाभन्दा धेरै घाइते भएका छन् ।
सल्यानको कुमाख गाउँपालिकामा कांग्रेस र एमालेको गठबन्धनले जितेको उत्सव मनाउन गाडीमा आउँदै गरेकालाई करेन्ट लागेको हो ।
गाडीको छतमा झण्डा समाएर बस्नेतज्युलाबाट शान्तिबजार आउँदै गरेकाहरूलाई करेन्ट लागेको हो ।
बिजुलीको तारमा ठोक्किँदा करेन्ट लागेको प्रहरीले जनाएको छ ।
प्रहरीका अनुसार छतमा बसेकाहरूलाई बिजुलीको तारले छुँदा करेन्ट लागेको हो ।
घाइतेहरूलाई रुकुम चौरजहारी अस्पताल लगिएको छ । ज्यान गुमाएकाको परिचय खुलेको छैन ।