३ जेष्ठ, विराटनगर । विराटनगर महानगरपालिकाको प्राप्त पछिल्लो मत परिणाम अनुशार मिश्रित रुपमा अग्रताका परिणामहरु आइरहेका छन् ।
मेयरमा कांग्र्रेसले स्पष्ट मतका साथ अग्रता बढाउर्द लैजादा उपमेयरमा त्यसैगरी एमालेले अग्रता बढाउदै लगेको छ ।
यसैगरी वडा तहमा पनि एमालेले आफूलाई अब्बल सावित गर्दै आएको छ । कांग्रेसले मेयरमा अग्रता लिए पनि वडाहरुमा भने विगतको पकड गुम्ने संकेत देखिएको छ ।
मंगलबार बिहानसम्म २६ हजार ३०८ मतगणना हुँदा प्रमुखमा नेपाली कांग्रेसका नागेश कोइरालाले ८ हजार ७७० मत प्राप्त गरेका छन् ।
एमालेका सागर थापाले ६ हजार २४७ मत पाएका छन् । उपमेयरमा एमालेकी शिल्पाले अग्रता बढाउदै लगेकी छिन् ।
उनले ७१११ मत ल्याउदा जसपाका अमरेन्द्र यादव ४६४५ मतका साथ पछ्याइरहेका छन् । अहिलेसम्म विराटनगर १, २ र ३ मा नेकपा एमालेका उम्मेदवार वडाध्यक्षमा विजयी भएका छन् ।
कांग्रेसले वडा नम्बर १६ र जसपाले वडा नम्बर १७ मा विजयी शुरुआत गरेका छन् । वडा नम्बर १८ मा जसपाका बागी उमेदवार विजयी भएका छन् ।
अघिल्लो पटक कांग्रेस विजयी भएका दुईवटा १ र १९ नम्बर वडामा एमालेले विजय हासिल गरेको छ । जसपाले वडा नम्बर १८ गुमाउन पुगेको छ ।
०७४ को निर्वाचनमा कांग्रेस विराटनगरका १, ३, ४, ७, ८, ९, १५ र १९ गरी जम्मा ८ वटा वडामा विजयी भएको थियो ।
जसपाले १२, १३, १४, १६, १७ र १८ गरी छ वडामा विजयी भएको थियो । नेकपा एमालेले २, ५ र ११ वडा जितेको थियो ।
माओवादीले वडा नम्बर ६ जितेको थियो । वडा नम्बर १० मा एमालेका बागी उमेदवार विजयी भएका थिए ।
वडा नं. १ मा एमालेका काजी बस्नेत विजयी भएका छन् । २ मा एमालेका कुमार पोखरेल १ हजार ३३४ मत ल्याएर वडा अध्यक्षमा विजयी भएका छन् ।
उनका निकटतम प्रतिद्वन्द्वी राप्रपाका पवन सुरानाले १ हजार २८३ मत ल्याएका छन् ।
१९ मा नेकपा एमालेका श्याम घिमिरे विजयी भएका छन् ।वडा नम्बर १६ मा कांग्रेसका उद्धवकुमार भुजेल निर्वाचित भएका छन् ।
वडा नम्बर १७ मा जनता समाजवादी पार्टीका समिम कमर मिया विजयी भएका छन् ।
यसैगरी १८ मा जसपाबाट बागी उमेदवारी दिएका जितेन्द्रकुमार साह विजयी भएका छन् ।
