३ जेष्ठ ,दाङ। तुलसीपुर उपमहानगरपालिका ८ का ११ वर्षीय संकल्प बस्यालको मृत्यु भएको इलाका प्रहरी कार्यालय तुलसीपुरका प्रमुख डिएसपी श्यामु अर्यालले जानकारी दिए।
घाइते बालकलाई उपचारका लागि तुलसीपुरस्थित सिटी अस्पताल लगिएको थियो।
थप उपचारको क्रममा उनको बाँकेको कोहलपुर मेडिकल कलेज मृत्यु भएको प्रहरीले जनाएको छ।
डिएसपी श्यामु अर्यालका अनुसार सोमबार दिउँसो दोघरेबाट तुलसीपुर आउँदै गरेको रा ७ प ३६४९ नम्बरको मोटरसाइकलको ठक्करबाट बालक बस्याल गम्भीर घाइते भएका थिए।
बाटो काट्ने क्रममा बस्याललाई मोटरसाइकलले ठक्कर दिएको हो।
प्रहरीले मोटरसाइकल चालकलाई नियन्त्रणमा लिएको जनाएको छ। बस्याल शान्तिदिप बोर्डिङ स्कूलमा कक्षामा ६ मा अध्यनरत थिए।
