Nepal Times
Nepal Times
3
Shares

जेलेन्स्कीलाई जे डर थियो पुटिनले त्यही गरे

जेलेन्स्कीलाई जे डर थियो पुटिनले त्यही गरे

९ भदौ ,काठमाण्डौ ।

युक्रेनले बुधवार आफ्नो स्वतन्त्रता दिवस मनायो । युक्रेनी राष्ट्रपतिले जेलेन्स्कीले यसअघि नै उक्त अवसरको उत्सवमा रुसले वाधा पु¥याउन क्रुर कार्य गर्न सक्ने बताएका थिए । त्यसैले सर्वसाधारणलाई जमघट नगर्न, घरबाहिर ननिस्कन आग्रह गरेका थिए । जेलेन्स्कीको आशंका सहि सावित भएको छ । युक्रेनको स्वतन्त्रता दिवसकै दिन रसियाले त्यहाँको एक रेल स्टेसनमा रकेट आक्रमण गरेको छ ।

स्थानीय समयअनुसार बुधवार राति भएको उक्त आक्रमणमा परी कम्तीमा २२ जनाको मृत्यु भएको युक्रेनका राष्ट्रपति भ्लोदिमिर जेलेन्स्कीले बताएका छन् । च्याप्लिन क्षेत्रमा भएको आक्रमणपछि भिडियो सन्देशमार्फत जेलेन्स्कीले थप ५० जना घाइते भएको जानकारी दिएका छन् । आक्रमणमा मृत्यु भएकामध्ये पाँचजना रेलभित्रै जलेको उल्लेख छ ।

आक्रमणमा ११ वर्षका बालक पनि मारिएका छन् । जेलेन्स्कीले संयुक्त राष्ट्रसंघीय सुरक्षा परिषद बैठक चलिरहेका बेला आक्रमणबारे जानकारी दिएका हुन् । जेलेन्स्कीले आफू सुरक्षा परिषद्मा बोल्ने तयारी गरिरहेको बेला निप्रोपेट्रोभ्स्क क्षेत्रको च्याप्लिनमा भएको प्रहारबारे थाहा पाएको बताउदै उनले भनेका छन्, “संयुक्त राष्ट्रसंघ सुरक्षा परिषद्को बैठकको लागि रुसले यस्तो तयारी गरेको छ ।“अहिले चार वटा यात्रुवाहक सवारी साधनमा आगलागी भएको छ । त्यहाँ मृत्यु हुनेको संख्या बढ्न सक्छ,“। यसबारे रसियाले भने केही प्रतिक्रिया दिएको छैन ।

रुसले आफूहरूले सर्वसाधारणलाई निशाना नबनाएको दाबी गर्दै आएको छ । सन् १९९१ अगस्ट २४ मा युक्रेन सोभियत युनियनबाट स्वतन्त्र भएको घोषणा गरेको थियो । बुधबार युक्रेनी स्वतन्त्रता दिवससंगै रुसले आक्रमण सुरु गरेको छैटौँ महिना पूरा भएको दिन पनि थियो । यो अवधिमामा रुसको आक्रमणमा परी ९ हजार युक्रेनी सेनाको मृत्यु भइसकेको बताइएको छ ।

बुधबार युक्रेनको स्वतन्त्रता दिवसका दिन एकातिर रुसले बमवर्षा गरिरह्यो भने अर्कातिर विश्वभर मानिसहरू युक्रेनको समर्थनमा जम्मा भएका थिए । उक्त अवसरमा विश्व नेताहरूले पनि यस सङ्कटग्रस्त राष्ट्रप्रति समर्थन व्यक्त गरेका थिए । ब्रिटेनका प्रधानमन्त्री बोरिस जोनसन आफ्नो देशको समर्थन दर्शाउन किभमै उपस्थित भए । यद्यपि, उक्त अघोषित यात्राको क्रममा उनले नयाँ सैन्य सहायता अन्तर्गत करिब ६४ मिलियन डलर उपलब्ध गराउने घोषणा गरे ।

त्यस्तै अस्ट्रेलिया, जर्मनी, फिनल्यान्ड, पोल्यान्ड, टर्की र अन्य देशहरूले पनि समर्थनका सन्देशहरू पठाएका थिए । भ्याटिकनमा पोप फ्रान्सिसले युद्धको अन्त्य गर्न र युरोपको सबैभन्दा ठूलो जापोरिज्जिया परमाणु ऊर्जा केन्द्रमा परमाणु प्रकोपको जोखिमलाई रोक्न ठोस कदमहरू चाल्न आह्वान गरेका छन् । धेरै कुरा गुमाउनुका बाबजुद, जेलेन्स्कीले कुनै पनि सम्झौताविना पूरा युक्रेन पुनः आफूहरूको बनाउने प्रतिवद्धता जनाएका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.