Nepal Times
Nepal Times
3
Shares

जब समुद्र बीचमा जहाजमा आगो लाग्यो

जब समुद्र बीचमा जहाजमा आगो लाग्यो

१२ भदौ , एजेन्सी ।

फिलिपिन्सको राजधानी मनिलाको दक्षिणतर्फ रहेको एक बन्दरगाहमा पुग्न लागेको एक पानीजहाजमा आगो लागेको छ । आगो लागेको थाहा पाएपछि यात्रुहरू आत्तिएका थिए । कतिपय यात्रु ज्यान जोगाउन समुद्रमा हाम्फालेको समाचार संस्था एपीले जनाएको छ ।

घटना हुँदा जहाजमा ८७ जजा मानिसहरु यात्रारत रहेका थिए । तीमध्ये ४९ यात्रु र ३० कर्मचारी हुन् । उनीहरु मध्ये ७ जनाको मृत्यु भएको छ । अन्य केही घाईते भएको कोष्ट गार्डले जनाएको अन्तराष्ट्रिय संचारमाध्यामहरुले उल्लेख गरेका छन् ।

ओरिएन्टल नामक जहाज मिन्डोरो प्रान्तको कालापन शहरबाट दक्षिण मनिलास्थित बन्दरगाहतर्फ जाँदैथियो । बन्दरगाहबाट लगभग एक किलोमिटर पर जहाजको डेकबाट धूँवा निस्केको थियो । एकछिनमै जहाजमा आगोका लप्का देखिए । आगो लागेपछि फिलिपिन्स कोस्टल गार्ड सक्रिय भएर जहाजमा यात्रारत यात्रुहरुको उद्धारमा खटिएका थिए ।

जहाजमा १६ वटा कार र ट्रक पनि राखिएका थिए । आगलागीको कारण खोजिँदै गरेको अधिकारीहरूले जनाएका छन् । दुर्घटनामा भएको क्षतिका बारेमा पनि अनुसन्धान भइरहेको छ । हावा जोडले चलेका कारण आगोे दन्किएको बताइएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.