Nepal Times
Nepal Times
3
Shares

साहित्यकार पोखरेललाई २१ हजारको पुरस्कार

साहित्यकार पोखरेललाई २१ हजारको पुरस्कार

विराटनगर, भदौ ७
विराटनगरमा बसेर विगत चार दशकभन्दा लामो समयदेखि साहित्य सेवामा सक्रिय प्राज्ञ विवश पोखरेल पुरस्कृत हुने भएका छन् । मातृभूमि साहित्य समाज हेटौंडाले २१ हजार नगदसहित पोखरेललाई पुरस्कृत गर्ने निर्णय गरेको छ ।

यति विकास बैंक (महालक्ष्मी विकास बैंक) संस्थापक रहेको पुरस्कारसहित सम्मानपत्र रहेको छ । पोखरेलका कविता, कथा, निबन्ध, बालसाहित्यका एक दर्जनभन्दा बढी कृति प्रकाशित छन् ।

लामो समयदेखि साहित्य लेखनमा सक्रिय रहने एकजना स्रष्टालाई हरेक वर्ष मातृभूमि साहित्य समाजले पुरस्कृत गर्दै आएको छ । यस्तै पोखरेलसँगै ईश्वरी स्मृति मातृभूमि साहित्यिक पुरस्कार जनकपुरका महेन्द्रकुमार मिश्र, श्याम श्रेष्ठ स्मृति मातृभूमि पुरस्कार काठमाडाौंका वरिष्ठ नाटककार अशेष मल्ल र नित्यगोविन्द मातृभूमि संगीत पुरस्कार मकवानपुरका प्रयागराज मल्ललाई समर्पण गरिने भएको छ ।

होमनाथ बलदेवी मातृभूमि सम्मानबाट चितवनका हुसैन खा र कनक सिंह वातावरण सम्मानबाट मकवानपुरका विष्णुप्रसाद ढकाल सम्मानित हुने भएका छन् । पुरस्कार र सम्मान भदौ ९ गते शनिबार हेटौंडामा विशेष कार्यक्रमका बीच प्रदान गरिने बताइएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.