Nepal Times
Nepal Times
3
Shares

कञ्चनपुरमा हवाइ फायर, पूर्वपश्चिम जोड्ने महेन्द्र राजमार्ग अबरूद्ध

कञ्चनपुरमा हवाइ फायर, पूर्वपश्चिम जोड्ने महेन्द्र राजमार्ग अबरूद्ध

कञ्चनपुर, भदौ ७
कञ्चनपुरमा निर्मला पन्त हत्याको विरोधमा आज पनि प्रदर्शन भएको छ । बिहानैदेखि प्रदर्शनकारीले प्रदर्शन गरिरहेका छन् । प्रदर्शनकारीहरूलाई नियन्त्रणमा लिन प्रहरीले केही राउण्ड हवाइ फायर गरेको छ ।

पन्तको बलात्कारपछि हत्या भएको र स्थानीय प्रशासनले वास्तविक हत्यारालाई उम्काउन खोजेको भन्दै स्थानीय आन्दोलित छन् । बुधबारको प्रदर्शन उग्र भएपछि प्रहरीले बल प्रयोग गरेको थियो ।

प्रहरीले आज पनि अश्रुग्यास प्रहार गरेको बताइएको छ । प्रदर्शनका कारण पूर्वपश्चिम जोड्ने महेन्द्र राजमार्ग अबरूद्ध भएको छ । भीमदत्त नगरपालिकाकी १३ वर्षीया निर्मलाको शव गत साउनमा उखुबारीमा भेटिएको थियो ।

उनको बलात्कारपछि हत्या भएको भन्दै परिवारका सदस्यले साउन १० गते प्रहरीमा उजुरी दिएका थिए । जिल्ला प्रहरी कार्यालयले भदौ ५ गते निर्मलाको हत्यामा संलग्न भएको भन्दै भीमदत्त नगरपालिका–१९ बागफाँटाका ४१ वर्षीय दिलीपसिंह विष्टलाई सार्वजनिक गरेको थियो ।

बागफाँटाका विष्ट मानसिक अवस्था ठीक नभएका व्यक्ति भएको र वास्तविक हत्यारालाई प्रहरीले सार्वजनिक गर्न नसकेको स्थानीयवासीको आरोप छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.