Nepal Times
Nepal Times
3
Shares

स्वतन्त्र उम्मदेवारले लौरो चिन्ह प्रयोग गर्न नपाउने

स्वतन्त्र उम्मदेवारले लौरो चिन्ह प्रयोग गर्न नपाउने

८ असोज ,काठमाण्डौ ।
स्वतन्त्र उम्मेदवारहरुको अभियानलाई लौरो चुनाव चिन्ह प्रयोग नगर्न निर्वाचन आयोगले सचेत गराएको छ । आयोगले लौरो चुनाव चिह्न स्वतन्त्र उम्मेदवारको नरहेको र यसबारे भ्रम नछर्न पनि आग्रह गरेको छ । दललाई प्रदान गरिएको चुनाव चिह्न स्वतन्त्र उम्मेदवारको चुनाव चिह्नको समूहमा नरहने र उम्मेदवारहरुलाई प्रदान गर्न नसकिने पनि आयोगले स्पष्ट पारेको छ ।

अनन्तराज घिमिरेको नेतृत्वमा दर्ता रहेको ‘हाम्रो नेपाली पार्टी’ले स्वतन्त्र उम्मेदवारहरुलाई लौरो चिह्न बाँड्दै हिँडेको पाइएपछि आयोगले चुनाव चिह्नबारे स्पष्ट पार्दै घिमिरेलाई तीन दिने स्पष्टीकरणसमेत सोधेको छ । घिमिरेको दललाई प्रदान गरिएको चुनाव चिह्न लौरो स्वतन्त्र उम्मेदवारहरुको साझा तथा वैकल्पिक चिह्न भनेर प्रचार गरिएकोमा आयोगले आपत्ति जनाएको हो।

यस्ता भ्रामक कुराहरु प्रचारप्रसार नगर्न÷नगराउन र विभिन्न सामाजिक सञ्जालमा लौरो चिह्न भनी राखिएका सामग्रीसमेत तुरुन्त हटाउन आयोगले घिमिरेलाई निर्देशनसमेत दिएको छ । आयोगको स्ष्टीकरणसँगै अब लौरो चिन्ह स्वतन्त्र उम्मदेवारको नरहेको स्पष्ट भएको छ र ‘स्वतन्त्र लौरो अभियान’ को च्याप्टर क्लोज भएको छ ।

अनन्तराज घिमिरेको अध्यक्षमा ‘डमी पार्टी’ खडा गरेर लौरो चिन्ह बुकिङ गरिएको स्वतन्त्र अभिन्यताहरुले बताउँदै आएका थिए । स्वतन्त्र उम्मेदवारका अभियन्ता एवं काठमाडौं ८ का स्वतन्त्र उम्मदेवार सुमन सायमीले लौरो चिन्ह लिएर चुनाव लड्ने तयारी गरेका थिए ।

घिमिरेले कतिपय उम्मेदवारहरुलाई लौरो चिन्ह प्रयोग गर्न दिने भन्दै सहमति पत्रमा हस्ताक्षरसमेत गराएका थिए । साथै समानुपातिकतर्फ लौरोमा भोट हाल्ने गरी संघ र प्रदेशमा उम्मेदवारीसमेत मनोनयन गराइसकिएको थियो । अब निर्वाचन आयोगले घिमिरेलाई स्वतन्त्र अभियन्ताका रुपमा भ्रम नफैलाउन आयोगले निर्देशन दिएपछि स्वतन्त्र उम्मदेवारले लौरो चिन्ह प्रयोग गर्न नपाउने भएका छन् ।

 

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.