Nepal Times
Nepal Times
3
Shares

बहुप्रतिक्षित ‘रोज’ को ट्रेलर सार्वजनिक, प्रदीपको ‘अपराधी र रोमान्टिक’ अवतार(भिडियो )

बहुप्रतिक्षित ‘रोज’ को ट्रेलर सार्वजनिक, प्रदीपको ‘अपराधी र रोमान्टिक’ अवतार(भिडियो )

काठमाडौँ : नेपाली चलचित्रका युवा स्टार प्रदीप खड्का अभिनीत फिल्म ‘रोज’ को अफिसियल ट्रेलर इन्टरनेट रिलिज भएको छ । बिहीबार काठमाडौँमा एक कार्यक्रमका बीच फिल्मकोे ट्रेलर युट्युबबाट सार्वजनिक गरिएको हो ।चलचित्रको कलरफूल ट्रेलरमार्फत् फिल्मको मुल कथा प्रष्ट्याउन खोजिएको छ ।

‘फूल होइन….’ गीत सार्वजनिक भएसँगै एकाएक चर्चामा आएको यो फिल्मको ट्रेलर धेरैका लागि प्रतिक्षामा थियो ।अभिनेता खड्कालाई रोमान्टिक अवतारदेखि क्रिमिनल लुक्ससम्म देख्न सकिन्छ । एक सिक्वेन्समा उनले आफ्नै प्रेमिका परमिता आरएल राणामाथि गोली चलाएका छन् ।

प्रदीपलाई प्रेमिकाको हत्या अभियोगमा अदालतको कठघरादेखि जेल जीवन विताइरहेको देखिन्छ । ट्रेलरमा मिरुना र प्रदीपको रोमान्टिक सिन पनि राखिएको छ । अभिनेता कर्मा शाक्य भने डिएसपीको भूमिकामा छन् । एकैखाले भूमिकामा रमाइरहेको आरोप खेपिरहेको अवस्थामा प्रदीपलाई ‘रोज’ ले मजबुत बनाउन सहयोग गर्ने देखिन्छ ।

उनले यस फिल्ममा लुक्स परिवर्तनमा निकै गरेको मिहिनेत छन् ।यो फिल्मको नाममा विवाद भएपछि ‘रोजी’ बाट नाम परिवर्तन भएर ‘रोज’ भएको हो । ट्रेलरले फिल्मप्रतिको उत्सकुता निकै बढाएको छ । भाद्र २२ गतेबाट प्रदर्शनमा आउन लागेको नीरक पौडेल निर्देशित उक्त फिल्मले एक सोझो युवकको क्राइमतर्फको यात्रा र उतारचढाव पेश गर्छ ।

गोपीकृष्ण मुभिज र आरोही इन्टरटेन्मेन्टको ब्यानरमा निर्मित यस फिल्ममा बरुण आरएल राणा, रविन्द्र खड्का, प्रकाश श्रेष्ठ, पल्पसा डंगोललगायतका कलाकारहरुको अभिनय छ ।केदार भुषालको कथामा तयार भएको फिल्मको सम्पादनको जिम्मेवारी मित्र डि गुरुङले सम्हालेका छन् । अर्जुन पोखरेलको संगीत रहेको ‘रोज’ मा कबिराज गहतराज र रिशब टोट्लानीको कोरियोग्राफी छ ।आयरा पौडेल र आरोही केसीको निर्माण रहेको ‘रोजी’ लाई राजु विक्रम थापाले खिचेका हुन् भने उद्धव पौडेल यसका प्रस्तुतकर्ता हुन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.