Nepal Times
Nepal Times
837
Shares

 दाइजोका लागि डाक्टरले रातदिन पत्नी कुटे 

 दाइजोका लागि डाक्टरले रातदिन पत्नी कुटे 

२७ कात्तिक, काठमाण्डौ ।
केही दिनदेखि सामाजिक संजालमा नेहा चौधरीको यो पोष्ट भाइरल बनेको छ । नेहाले नै आफ्नो यो फेसबुक पोष्टलाई धेरैभन्दा धेरै शेयर गर्नका लागि अपिल गरेकी छिन् ।

यो पोष्ट भाइरल हुनका लागि, चर्चा कमाउनका लागि वा पैसा कमाउनका लागि नभई न्याय पाउँनका लागि नेहाले सामाजिक संजालको सहयोग लिएकी हुन् ।

जसमा उनले दाइजोकै कारण श्रीमान्ले र उनको परिवारका अन्य सदस्यले कसरी यातना दिए भन्ने खुलाएकी छिन् । पोष्टमा नेहाले लेखेकी छिन्, मेरो विहे भएको ८ महिना भयो, डा. पंकज चौधरीसंग । हाम्रो विहे पहिला प्रेम र सामाजिक परम्पराद्वारा भएको थियो ।

मेरो घर औराही महोत्तरीमा हो र मेरो ससुराली रामगोपालपुर महोत्तरीमा हो । विवाह भएको केही दिनमात्र वितेको थियो मलाई मेरो श्रीमान र सासु र नन्दहरुले घरमा गाली र अभद्र व्यवहार गर्न थाले ।

म दुःखसुख गरी बसिरहेको थिए । मेरो श्रीमान् काठमाडौं बस्नु हुन्छ । ग्रान्डी हस्पिटलमा काम गर्नु हुन्छ । मलाई नि आफूसंग राख्नु भन्ने वितिकै मलाई कुटपिट गर्नु हुन्थ्यो पटक पटक त्यही गर्नु हुन्थ्यो ।

म सहन नसकेर महिला थानामा गए । मलाई गंभीर हुने गरि पिट्नु भएर मेरो आमालाई आफ्नो छोरी लैजाउ भनि खबर मेरो ससुराबाले गर्नुभयो । म ३ दिन हस्पिटलमा भर्ना भई जाँच गराए ।

थानामा मेरो श्रीमान ४ दिनपछि उपस्थित हुनु भयो, उपस्थित हुनासाथ म राख्दिन घर छिर्न दिन्न भन्नु भयो । उनको जिदको कारण वहा थानामा नै २ दिन बस्नु भयो । त्यही राख्दिन भनेर निस्कनु भयो ।

मैले मेरो जाहेरी घरेलु हिंसाको मुद्या दर्ता गराए । त्यही दिन ४ गते उनले डिभोर्स मुद्या दिनु भयो । मलाई घर छिर्न दिनु भएन । मलाई अंश दिनुपर्छ विछोड हुँदा भनेर उहाले आफ्नो सम्पुर्ण सम्पत्ति घरसहित छोरीहरुलाई बकस गरिदिनु भयो ।

मलाई उहाको सम्पत्ति वा अंश चाहिएको हैन । म विहे गरेको बस्नको लागि हो । उनीहरुले मलाई फेरि फेरि कुटपिट नगरोस भनेर म थानामा गए । अब मैले न्याय कसरी पाउँने । मलाई घरबाट निश्कन नि गारो भएको छ ।

तेरो अनुहार विगारीदिन्छु भनि धम्की दिनुभयो । उनले लेखेकी छन्, प्लिज हेल्प सकेसम्म सेयर गरिदिनु भनी अनुरोध गर्दछु । यससंगै उनले आफ्नो विवाहको फोटो र शरिरमा चोट लागेको फोटो राखेकी छिन् ।

नेहाको न्यायका लागि अहिले सामाजिक संजालमा अभियान नै चलेको छ । चिकित्सकजस्तो ब्यक्तिले दाइजोका लागि श्रीमतीलाई शारीरिक र मानसिक यातनासहित, अंश नदिने मनसायसाथ छोडपत्रको मुद्या हाल्नु लज्जाको विषय भएको भन्दै धेरैले प्रतिक्रिया जनाएका छन् ।

यसैबीच मधेसी आयोगले यो घटनाको छानबिन गर्न प्रहरी प्रधान कार्यालयलाई पत्राचार गरेको छ । महोत्तरीको औरही निवासी पीडित नेहा चौधरीको घटनाको सत्यतथ्य छानविन गरी दोषीलाई तुरुन्त कानुनी दायरामा ल्याउन प्रहरी प्रधान कार्यालयलाई पत्राचार गरिएको मधेसी आयोगले जारी गरेको विज्ञप्तिमा उल्लेख छ ।

आयोगका अध्यक्ष डा विजयकुमार दत्तले तराई मधेशमा दाइजोले गर्दा घरेलु हिँसाको समस्या यथावत रहेको र आयोगमा सोसँग सम्बन्धित विभिन्न उजुरीहरु आउने गरेको बताएका छन् ।

तपाईंको प्रतिक्रिया

© copyright 2022 and all right reserved to Nepal Times | Design By : InDesign Media Pvt. Ltd.