किशोर विश्वकर्मा
विराटनगर, भदौ १३
आन्तरिक राजश्व कार्यालय विराटनगरले चालु आर्थिक वर्षको एक महिनाको अवधीमा मात्रै लक्ष्य भन्दा ६८ करोड बढी राजश्व संकलन गरेको छ । कार्यालयले चालु आर्थिक वर्षको साउन महिनामा मात्र ६८ करोड २३ लाख २५ हजार रुपैयाँ राजश्व संकलन गरेको हो । गत आर्थिक वर्षको सोही अवधीमा कार्यालयले ४३ करोड १२ लाख २९ हजार रुपैयाँ मात्र राजश्व संकलन गरेको थियो ।
आन्तरिक राजश्व कार्यालय विराटनगरका प्रमुख दिलीप गौतमका अनुसार चालु आर्थिक वर्षको साउन महिनाको लक्ष्य ५० करोड ७८ लाख रुपैयाँ लक्ष्य रहेकोमा लक्ष्य भन्द १८ करोड बढी राजश्व असुली गरेको हो ।
सो महिनामा आयकरको लक्ष्य १४ करोड ६ लाख ७५ हजार रुपैयाँ रहेकोमा २२ करोड ६६ लाख ६२ हजार रुपैयाँ राजश्व असुली भएको आन्तरिक राजश्व कार्यालय विराटनगरका प्रमुख गौतमले जानकारी दिए ।
गत आर्थिक वर्षको सोही अबधीमा आयकर लक्ष्य ९ करोड ६ लाख ७ हजार रुपैयाँ रहेको भएपनि लक्ष्य भन्दा बढी अर्थात् १० करोड ३१ लख ९५ हजार रुपैयाँ राजश्व संकलन गरेको थियो ।
त्यसै गरि चालु आर्थिक वर्षकै साउन महिनामै कार्यालयले बहाल कर एककरोड १५ लाख ९६ हजार रुपैयाँ राजश्व असुली गरेको छ । गतवर्षको सोही अवधिमा एककरोड ८ लाख रुपैयाँ राजश्व संकलन गरेको कार्यालयले जनाएको छ । यस्तै चालु आर्थिक वर्षकै सो महिनाको ब्याजकर लक्ष्य एककरोड १३ लाख रुपैयाँ रहेकोमा असुली एककरोड ५५ लाख ५ हजार रुपैयाँ भएको छ ।
गत आर्थिक वर्षमा सोही शिर्षकको लक्ष्य एककरोड ५० लाख रहेकोमा असुली लक्ष्य भन्दा कम अर्थात एककरोड १६ लाख ९५ हजार रुपैयाँ मात्र भएको छ । यसैगरि चालु आर्थिक वर्षको साउन महिनामै मुल्य अभिबृद्धि करको लक्ष्य २१ करोड ५० लाख ५५ हजार रुपैयाँ रहेको भएपनि असुली लक्ष्य भन्दा कम १७ करोड ४ लाख ५० हजार रुपैयाँ भएको छ ।
गत आर्थिक वर्षको सोही महिनामा पनि मुल्य अभिबृद्धि करको लक्ष्य एककरोड ८४ लाख १६ हजार भएको र असुली लक्ष्य भन्दा झण्डै एककरोड २७ लाख कम अर्थात १७ करोड ५६ लाख ४५ हजार रुपैयाँ मात्र राजश्व संकलन भएको कार्यालयले जनाएको छ ।
यस्तै चालु आर्थिक वर्षकै अन्तशुल्क करको लक्ष्य १३ करोड ३ लाख १० हजार रुपैयाँ रहेकोमा लक्ष्य भन्दा बढी २० करोड ९० लाख २२ हजार रुपैयाँ राजश्व संकलन भएको छ ।
गत आर्थिक वर्षको सोही महिनाको लक्ष्य ११ करोड ३ लाख ९० हजार रुपैयाँ भएपनि असुली लक्ष्य भन्दा कम १० करोड २९ लाख ३ हजार रुपैयाँ मात्र संकलन भएको कार्यालयको तथ्यांकमा उल्लेख छ ।
चालु आर्थिक वर्षकै साउन महिनामा स्वाथ्य सेवा करवापत ३ करोड ४९ लाख ७५ हजार रुपैयाँ संकलन भएको छ । गत आर्थिक वर्षको सोही महिनामा स्वास्थ्य सेवाकरको लक्ष्य २ करोड ४३ लाख ६१ हजार रुपैयाँ रहेकोमा असुली २ करोड ७ लाख ४५ हजार रुपैयाँ संकलन भएको थियो ।
सोही आर्थिक वर्षको साउन महिनामै शिक्षा सेवा शुल्कको लक्ष्य ४४ लाख ८४ हजार रुपैयाँ रहेकोमा असुली ६२ लाख ५२ हजार रुपैयाँ भएको कार्यालय प्रमुख गौतमले जानकारी दिए ।
