Nepal Times
Nepal Times
63
Shares

ताइवानमा जबर्जस्ती नघुस्न अमेरिकालाई चीनको चेतावनी

ताइवानमा जबर्जस्ती नघुस्न अमेरिकालाई चीनको चेतावनी

१७ माघ,एजेन्सी ।
ताइवान मामिलालाई लिएर चीन र अमेरिकाबीच फेरि तनाव बढ्ने देखिएको छ । अमेरिकाका जनरल माइक मिनिहनको एक बयानले दुवै शक्तिराष्ट्रहरुलाई पुनः आमने–सामने ल्याएको छ । जनरल माइकले शुक्रवार जारी गरेको एक मेमोमा भनेका थिए, ’’मलाई लाग्छ २०२५ मा चीन र अमेरिकाबीच युद्ध हुन सक्छ ।’’

माइकको यो बयानपछि अमेरिकी कांग्रेसमा बोल्दै रिपब्लिकन माइकल म्याककालले पनि यस्तै धारणा राखेका छन् । उनले भने, ताइवान मामिलामा चीनसंग संघर्षको आशंका धेरै छ । अमेरिकाका तर्फबाट आइरहेका यस्ता बयानपछि चिनियाँ विदेश मंत्रालयले पनि प्रतिक्रिया दिएको छ ।

चिनियाा विदेश मंत्रालयका प्रवक्ता माओ निंगले सोमवार प्रेस कन्फ्रेंस गर्दै अमेरिकामाथि निशाना साँधे । माओ निंगले भने, ’’ नयाँ विवादको जडमा दुई विषय छ । पहिलो ताइवानको डेमोक्रेटिक प्रोग्रेसिभ पार्टी स्वतन्त्रताका लागि अमेरिकामाथि निर्भर हुँदैछ ।

दोस्रो अमेरिकाका केही मानिसहरु चीनमाथि लगाम कस्न ताइवानको प्रयोग गर्ने कोशिश गरिरहेका छन् ।’’ माओ निंगले भने, ’’हामी अमेरिकासंग अपील गर्छौ कि उसले एक चीन नीति र दुवै देशले जारी गरेको साझा सहमतिहरुलाई मानोस् । चीनले भनेको छ, कि अमेरिकी नेतृत्वले आफूले गरेका सहमतिको पालना गर्दै ताइवान मामिलामा जबर्जस्ती घुस्ने काम नगरोस् र ताइवान क्षेत्रमा सैन्य सम्बन्धहरुमा पनि रोक लगाओस् ।

चीनले भन्यो, ’’ताइवान चीनका हिस्सा हो । हामी शान्तिपूर्णरुपमा र पूरी ईमान्दारीसाथ एकीकरण चाहान्छौ । यद्यपी हामी यस्तो कुनै पनि बचन दिइरहेका छैनौ कि हामीले सेनाको प्रयोग गर्दैनौ । हरेक आवस्यक कदम उठाउने अधिकार हामीसंग छ ।’’ ’’अमेरिकाले आफ्ना सहयोगीहरुमाथि चीनको चिप प्रविधि प्रयोग नगर्न दबाव दिइरहेको छ, ताकि उ आफ्नो हितहरुको रक्षा गर्न सकोस् र विश्वमा आफ्नो वर्चस्व बचाउन सकोस् ।

तर अमेरिकाको यो कदमले विश्वभरका उद्योगहरुलाई निकै घाटा हुनसक्छ । हामी आशावादी छौं कि अमेरिकी सांसद एक चीन नीतिको पालन गरोस र यस्ता कुनै पनि कुरा नगरोस् जसले दुई देशको सम्बन्ध, शान्ती र स्थायित्व प्रभावित होस् । ’’ चीन भन्छ, अमेरिका सधै लोकतन्त्र, स्वतन्त्रता र मानवअधिकारहरुको दु मामिलामा दखल दिन्छ ।’’

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.