७ फागुन,एजेन्सी ।
आइतवार बिहानै इजरायलले सिरियाको मुटु राजधानी दमस्कसमा मिसाइल प्रहार गरेको छ । दमस्कसको एक भवनमा मिसाइल प्रहार हुँदा कम्तीमा पनि १५ जनाको मृत्यु भएको बताइएको छ । काफर सोउसेको रिहायसी इलाकामा भएको घटनामा परी केही व्यक्तिहरु घाइतेसमेत भएका छन् ।
यो क्षेत्रमा सिरियाका सुरक्षा एजेन्सी, इन्टेलिजेन्स हेडक्वार्टर तथा वरिष्ठ सैन्य अधिकारिहरुको घर रहेको बताइएको छ । सिरियाको रक्षा मन्त्रालयले गोलन हाइट्सको तर्फबाट अरु क्षेत्रमा पनि इजरायलले हवाई हमला गरेको थियो । यसअघि शुक्रबार पनि सिरियामा आक्रमण भएको थियो जसमा परी ५३ जनाको ज्यान गएको थियो ।
तर यो हमलाका लागि आईएसआईएसलाई दोषि मानिएको छ । इजरायलले कयौपटक यसअघि पनि दमस्कस आसपासलाई लक्षित गर्दै हमलाहरु गरेको थियो । तर रिहायसी इलाकामा भने पहिलो एअर स्ट्राइक भएको अन्तर्राष्ट्रिय सञ्चारमाध्यमहरुले जनाएका छन् ।
इजरायल भने यसबारे कुनै टिप्पणी गरेको छैन । यता सिरियाको सरकारी संचारसंस्थाले भने सिरियाको एयर डिफेन्स सिस्टमले इजरायली वायु सेनाको जेटद्वारा प्रक्षेपण गरिएको मिसाइलहरुमध्ये अधिकाँशलाई रोक्न सफलता हासिल गरेको बताएको छ । हालै सीमा नजिकै टर्कीमा केन्द्रविन्दु बनाएर गएको भुकम्पका कारण सिरियाका कयौं शहरहरु भग्नावशेषमा परिणत भएका छन् ।
हजारौंको ज्यान गएको छ । कतिपय विद्रोहीहरुको नियन्त्रणमा रहेको क्षेत्रमा उद्धारकार्य पनि हुन सकिरहेको छैन । पीडितले राहत समेत पाएका छैनन् । यस्तो बेला इजरायलले मिसाइल आक्रमण गरेपछि सिरियाली नागरिकहरु भयावह बनेका छन् ।
