Nepal Times
Nepal Times
3
Shares

विराट गोल्डकपमा विराटनगर सिटी सेमिफाइनलमा

विराट गोल्डकपमा विराटनगर सिटी सेमिफाइनलमा

१० चैत, विराटनगर ।
सातौँ संस्करणको विराट गोल्ड कप फुटबल प्रतियोगितामा आज शुक्रवार विभागीय टिम त्रिभुवन आर्मी र जावलाखेल यूथ क्लब खेल्दै छन् । विराटनगरको सहिद मैदानमा रात्रिकालीन हुने गोल्ड कपमा आज राती ७ बजे खेल सुरु हुनेछ ।

विराट गोल्ड कप फुटबल ट्रस्टको आयोजनामा सञ्चालित प्रतियोगिताको सातौँ संस्करणमा पहिलो पटक जावालाखेल मैदान उत्रन लागेको हो । ए डिभिजन लिग खेल्दै आएको जावलाखेललाई पहिलो पटक मोफसलको सर्वाधिक पुरस्कार राशिको प्रतियोगिता विराट गोल्ड कप खेल्ने अवसर मिलेको हो ।

आर्मी पाँचौँ संस्करणको विराट गोल्ड कपको उपविजेता टिम हो । २०७४ मा भएको गोल्ड कपमा आर्मी थ्रिस्टारसँग फाइनलमा ३–० गोलले पराजित भएको थियो । दुवै टोलीसँग ए डिभिजनमा उत्कृष्ट प्रदर्शन गरेका खेलाडीहरू भएको कारण जितका लागि निक्कै सङ्घर्ष गर्नुपर्ने हुन्छ ।

बिहीबार भएको उद्घाटन खेलमा नेपाल प्रहरीलाई १– ० गोलले हराउँदै घरेलु टिम विराटनगर सिटी क्लब अन्तिम चारमा पुगेको छ । जितमा विराटनगरका आशिष श्रेष्ठ नायक भए । निर्धारित समयसम्म गोलरहित खेल बराबरी भएपछि थप गरिएको अतिरिक्त समयकोे १ सय १७ औं मिनेटमा विराटनगरका आशिष श्रेष्ठले निर्णायक गोल गरे ।

चैत १६ गतेसम्म सञ्चालन हुने प्रतियोगितामा स्वदेशी र विदेशीसहित ८ टिमको सहभागिता रहेको छ । प्रतियोगिताको विजेता हुने टिमले २० लाख १५ हजार र उपविजेताले १० लाख १५ हजार रुपैयाँ पुरस्कार पाउने छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.