Nepal Times
Nepal Times
3
Shares

आईपीएल २०२३ः गुजरातले जित्यो पहिलो खेल

आईपीएल २०२३ः गुजरातले जित्यो पहिलो खेल

१८ चैत, एजेन्सी ।
१६ औं संस्करणको इण्डियन प्रिमियर लिग (आईपीएल) क्रिकेटमा साबिक विजेता गुजरात टाईटन्सले विजयी सुरुवात गरेको छ । गएराति भएको उद्घाटन खेलमा चेन्नाई सुपर किंग्स ५ विकेटले पराजित भयो । आईपीएलमा चेन्नाईसँग भएको तीन खेलमा गुजरात अपराजित रहेको छ ।

अहमदाबादमा चेन्नाईले दिएको १ सय ७९ रनको लक्ष्य घरेलु टोली गुजरातले १९ ओभर २ बलमा ५ विकेट गुमाएर भेट्टायो । गुजरातका शुभमन गिलले ६३ रन बनाए । त्यस्तै विजय शंकरले २७, रिद्धिमान शाहले २५ र इम्प्याक्ट प्लेयरका रुपमा केन विलियम्सको ठाउँमा मौका पाएका साई सुदर्शनले २२ रन बनाए ।

चेन्नाईका राजवर्धन हांगर्गेकरले ३ तथा तुसारदेश पाण्डे र रविन्द्र जडेजाले समान एक÷एक विकेट लिए । त्यसअघि टस हारेर पहिला ब्याटिङ गरेको पाहुना टोली चेन्नाईले २० ओभरमा ७ विकेट गुमाएर १ सय ७८ रन बनाएको थियो । उसका ऋतुराज गायकवाडले सर्वाधिक ९२ रन बनाए ।

मोईन अलिले २३ रन तथा शिबम दुवेले १९ रन जोडे । कप्तान महेन्द्रसिँह धोनी १४ रनमा अविजित रहे । गुजरातका मोहम्मद सामी, अल्जारी जासेफ र राशिद खानले समान दुई÷दुई विकेट लिए । गुजरातले २ अंक जोडेको छ । आईपीएल क्रिकेटमा १० टोली सहभागी छन् ।

आईपीएलको दोस्रो तथा आज हुने पहिलो खेलमा पन्जाब किंग्स र कोलकाता नाइट राइडर्सबीच प्रतिस्पर्धा हुँदैछ । खेल नेपाली समय अनुसार दिउँसो ३ः ४५ मा मोहालीमा सुरुहुनेछ । यो आज आइपिएलको पहिलो खेल हो । दुबै टोली सानदार विजयी सुरुवात गरेका छन् । पन्जाब र कोलकता दुबैमा नयाँ कप्तान छन् ।

गतवर्ष पन्जाबको मयंक अग्रवालले कप्तानी गरेका थिए । तर पन्जाबले उनलाई टोलीबाट फुकुवा गरेको थियो । यता कोलकाता नाइट राइडर्सका नितिश राणाले कप्तानी गर्नेछन् । श्रेयस ऐर मेरुदण्डकको तल्लोभागमा चोटका कारण सुरुवाती खेल गुमाउनेछन् । पन्जाबका दुई प्रमुख खेलाडी कागिसो रबाडा र लियाम लिभिङस्टोनले कोलकाताविरुद्ध खेल गुमाउनेछन् ।

रबाडा दक्षिण अफ्रिका टोलीमा हुँदा आइपिएलमा आएका छैनन् । शनिबार नेदरल्यान्ड्ससँग अन्तिम खेलपछि मात्रै उनी पन्जाबमा जोडिनेछन् । लिभिङस्टोन भने चोटका कारण पहिलो खेल गुमाउनेछन् । पन्जाबमा ब्याटरको रुपमा शिखर धवन, म्याथ्यु शर्ट, भारुका राजपक्षे र शाहरुखा खान छन् । ब्याटिङ केहि कमजोरीको रुपमा छ ।

बलरमा अर्शदीपसिंह र साम करन प्रमुख हतियार हुन् । उता कोलकतामा आन्द्रे रसेल प्रमुख बलर हुन् । रसेल विष्फोटक ब्याटिङका लागि चिनिन्छन् । नितिश राणा र रहमानउल्लाह गुरबाज छन् । लिटन दास र सकिब अल हसन पहिलो खेलमा उपलब्ध हुने वा नहुने पक्का छैन । शुक्रबार मात्रै यी दुई खेलाडीले बंगलादेशबाट आयरल्यान्डविरुद्ध खेलेका थिए ।

लोकी फर्गुनस, शार्दुल ठाकुर र उमेश यादव प्रमुख बलर हुन् । यस्तै आजको दोस्रो खेलमा दिल्ली क्यापिटल्स र लखनऊ सुपर जायन्ट्सबीच बेलुका ७ः४५ मा प्रतिस्पर्धा हुनेछ । खेल नेपाली समय अनुसार साँझ ७ः४५ मा लखनऊमा हुनेछ । दुबै टोली विजयी सुरुवात गर्न चाहन्छन् । दिल्ली यस आइपिएलको उपाधि दाबेदार टोली हो । दिल्लीको कप्तानी डेविड वार्नर र लखनऊको लोकेश राहुलले गर्नेछन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.