४ जेठ, एजेन्सी ।
मे १ मा कोलम्बियाको अमेजनमा एउटा विमान दुर्घटना हुँदा तीन जनाको मृत्यु भएको थियो। त्यसयता खोजी अभियान चलिरहेको थियो । अहिले दुर्घटना भएको झण्डै दुई सातापछि बुधबार चार बालबालिका जीवितै फेला परेका छन् ।
यो जानकारी राष्ट्रपति गुस्ताभो पेट्रो आफैले दिएका छन्। पेट्रोले भनेका छन् कि सेनाले कठिन खोजी अभियान चलायो र आज उनीहरूले विजय प्राप्त गरे। यो देशका लागि खुसीको कुरा हो । झण्डै दुई साताअघि भएको दुर्घटनापछि कोलम्बियाको घना अमेजनमा बुधबार चार बालबालिका जीवितै फेला परेको अलजजिराले उल्लेख गरेको छ ।
उनीहरुमध्ये एक ११ महिनाका बच्चा पनि रहेका छन् । अधिकारीहरूले स्निफर कुकुरहरूको साथ खोजी अभियानमा १०० भन्दा बढी सैनिकहरू संलग्न रहेको बताएका छन् । गत मे १ मा विमान दुर्घटनापछि बेपत्ता भएका बालबालिकाको खोजीमा सैन्य टोली जुटेको थियो ।
घटनामा तीन वयस्कको मृत्यु भएको थियो। दुर्घटनापछि बालबालिका दक्षिणी काक्वेटाको जङ्गलमा घुमिरहेको अधिकारीहरूले बताएका छन् । यी बालबालिकाको उमेर ४, ९ र १३ वर्ष रहेको बताइएको छ । र एउटा बच्चा मात्र ११ महिनाको छ।
खोजी कार्यका क्रममा एक बालकले पानी पिउने बोतल र आधा खाएको फल फेला परेको थियो । त्यसपछि खोजी तिब्र पारिएको थियो । यसअघि सोमबार र मंगलबार एक सैनिक पाइलट र दुई वयस्कको शव फेला परेको थियो । मृतक यात्रुमध्ये एक महिला चार सन्तानकी आमा थिइन् ।
