५ जेष्ठ,एजेन्सी ।
सन् २०२६ मा आयोजना हुने फिफा विश्वकप फुटबलको लोगो सार्वजनिक भएको छ । विश्व फुटबलको सर्वोच्च निकाय फिफाले बिहीबार २०२६ को विश्वकपको लोगो सार्वजनिक गरेको हो । सन् २०२६ को विश्वकप तीन राष्ट्र अमेरिका, क्यानडा र मेक्सिकोमा संयुक्त आयोजना हुनेछ ।
यस संस्करणको विश्वकपको १६ खेल स्थल पनि सार्वजनिक भएको छ । अमेरिकाको ११, मेक्सिकोको ३ र क्यानडाको २ स्थानमा विश्वकपका खेलहरु सञ्चालन हुनेछ । यस संस्करणको फाइनल खेल २०२६ को जुलाई १९ मा हुनेछ । फिफा विश्वकप २०२६ को लोगो सरल डिजाइनको रहेको छ ।
क्यानडा, मेक्सिको र संयुक्त राज्य अमेरिकाले संयुक्त रुपमा आयोजना हुने प्रतियोगिताको आधिकारिक लोगोलाई फ्यानहरूले आलोचना गरिरहेका छन्। फिफा अध्यक्ष जियानी इन्फान्टिनो र दुई पटकको विश्वकप विजेता रोनाल्डो नाजारियोले अनावरण गरेको डिजाइनलाई “आधारभूत“ भनी निन्दा गरिएको छ।
यसले अग्रभूमिमा ट्रफीको साधारण छवि र पृष्ठभूमिमा ठाडो रूपमा “२“ र “६“ अंकहरू राखिएको छ। परम्परागत रूपमा, विश्वकपको लोगो कुनै न कुनै रूपमा आयोजक राष्ट्रहरूको संस्कृति झल्काउने गरी डिजाइन गरिएको हुने भएपनि २६ को लोगोमा त्यस्तो छैन।
सन् २०२६ को फिफा विश्वकप आउन अझै तीन वर्ष बाँकी छ । विश्वकपमा छनोट भएका सबै टिमहरुले आफ्नो टिम घोषणा गर्ने अन्तिम मिति २५ मे २०२६ सम्मका लागि तोकिएको छ । आगामी संस्करणको विश्वकपमा पहिलोपल्ट ४८ टिमले प्रतिस्पर्धा गर्नेछन् ।
त्यस्तै, विश्वकपको १६ खेलस्थल पनि सार्वजनिक भएको छ । अमेरिका, क्यानाडा र मेक्सिकोले यो प्रतिष्ठित एक महिने प्रतियोगिताको आयोजना गर्नेछन् । विश्वकपका खेलहरु क्यानाडाका दुई, मेक्सिकोका तीन र अमेरिकाका ११ वटा रंगशालामा सञ्चालन गरिनेछ ।
