विराटनगर ः विराटनगर महानगरपालिकामा बम बिस्फोट भएपछि प्रहरीले घटनाको अनुसन्धानका लागि महानगरपालिकाभित्र जडान गरिएको सीसी क्यामेराको हार्ड डिस्क लगेको थियो ।
तर प्रहरीले सीसीटीभी क्यामेराको फुटेज कैद नभएको पायो । सीसी क्यामेराको कुनै फुटेज कैद नभेटिएपछि जिल्ला प्रशासन कार्यालय मोरङले सीसी क्यामेरा सञ्चालन गराउन सबै सार्वजनिक कार्यालयलाई पत्र पठाएको छ ।
जिल्ला प्रशासन कार्यालयले सीसी क्यामेरा जडान गरेका कार्यालयहरुलाई सञ्चालन गर्न र नगरेका कार्यालयलाई तत्काल जोड्न पत्र पठाएको हो ।
मोरङका प्रमुख जिल्ला अधिकारी रमेश कुमार केसीले सुरक्षाको दृष्टिकोणले क्यामेरा सञ्चालन गर्न पत्र पठाएको बताए । साथै शंकास्पद गतिविधि देखिए प्रहरीलाई खबर गर्न पनि भनिएको छ ।आजको उद्घोष दैनिकमा समाचार छ ।
