Nepal Times
Nepal Times
3
Shares

मन्त्रिपरिषद्ले पायो पूर्णता,वनमन्त्रीमा जसपाका महतो

मन्त्रिपरिषद्ले पायो पूर्णता,वनमन्त्रीमा जसपाका महतो

९ जेठ, काठमाण्डौ ।
प्रधानमन्त्री पुष्पकमल दाहाल प्रचण्डले मन्त्रिपरिषदलाई पूर्णता दिएका छन् । एघारौं पटक मन्त्रिपरिषद् विस्तार गर्दै उनले मन्त्रिपरिषद्लाई पूर्णता दिएका हुन् । प्रधानमन्त्रीको सिफारिसमा राष्ट्रपति रामचन्द्र पौडेलले आज वन तथा वातावरणमन्त्रीमा जसपाका वीरेन्द्र प्रसाद महतोलाई नियुक्त गरेका हुन् ।

त्यस्तै, शिक्षा, विज्ञान तथा प्रविधि राज्यमन्त्रीमा पनि जसपाकै प्रमिला कुमारी नियुक्त भएकी छिन् । जसपाबाट यसअघि नै अशोक कुमार राई शिक्षा मन्त्री छन् । मंगलबार जसपाबाटै मन्त्री थपिएपछि प्रचण्ड नेतृत्वको मन्त्रिपरिषद २५ सदस्यीय भएको छ ।

सरकारमा नेपाली कांग्रेसका एक उपप्रधानमन्त्रीसहित ९ मन्त्री, माओवादीका एक उपप्रधानमन्त्रीसहित ५ मन्त्री र एक राज्यमन्त्री, एकीकृत समाजवादीका दुई मन्त्री र एक राज्यमन्त्री तथा नागरिक उन्मुक्ति, लोकतान्त्रिक समाजवादी र नेपाल समाजवादी पार्टीका एक–एक मन्त्री छन् ।

आज वनमन्त्रीमा नियुक्त भएका महतो सिरहा ४ बाट प्रतिनिधिसभा सदस्य निर्वाचित भएका थिए । जसपाबाट उठेका उनले जनमत पार्टीका वीरेन्द्र प्रसाद साहलाई पराजित गरेका थिए । उनीहरुको शपथ भोली १० बजे हुने बताइएको छ ।

माओवादी नेतृत्वको संघिय सरकारमा जसपाले मन्त्री पठाएर सरकारलाई पूर्णता दिदा उता मधेश प्रदेश सरकारबाट भने माओवादी बाहिरिने भएको छ । मुख्यमन्त्री सरोजकुमार यादवले छलफल नगरी सरकार पुनर्गठनको तयारी थालेको भन्दै माओवादीले यहाँको सरकारबाट बाहिरिने निर्णय गरेको माओवादीका एक सांसदले बताएका छन् ।

एक साताअघि काठमाडौंमा भएको सत्ता गठबन्धनको बैठकले आलोपालो मुख्यमन्त्री बन्ने र पावर सेयरिङमा सहमत भएका थिए । सोमबार मात्रै दुई मन्त्रालयमा दाबी गरेको माओवादीले मागे अनुसारको मन्त्रालय पाएन ।

सरकारमा बस्ने÷नबस्ने भन्नेबारे छलफलका लागि लोसपा, जनमत र माओवादीको बैठक जारी छ । मुख्यमन्त्री यादवले मंगलबार मात्रै कांग्रेसबाट दुई जनालाई मन्त्री नियुक्त गरेका थिए । कांग्रेसका मन्त्रीहरूको शपथ ग्रहण पनि यही कारण ढिला भएको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.