५ साउन,विराटनगर ।
विराटनगरस्थित शिक्षादीप कलेजमा कक्षा ११ मा विज्ञान संकायमा भर्ना भएका विद्यार्थीहरूलाई एक दिन अभिमुखिकरण कार्यक्रम गरेको छ ।कलेजले विराटनगरमा शुक्रबार एक भव्य कार्यक्रम आयोजना गरी कक्षा ११ मा विज्ञान संकायमा भर्ना भएका ८ सय ५० जना विद्यार्थीहरूलाई अभिमुखिकरण कार्यक्रा गरेको हो ।
‘नयाँ भर्ना भएका विद्यार्थीहरूलाई कलेजको बारेमा जानकारी गराउनुको साथै कलेजको नियम र कसरी पढ्दा उत्कृष्ट नतिजा ल्याउन सकिन्छ, यस विषयमा पनि जानकारी गराएको छ,’ कलेजका प्रिन्सिपल ज्ञानबहादुर खड्काले भने , ‘दुई वर्ष विद्यालयमा कसरी बिताउने, आगामी दिनको अवसर र चुनौति बारेमा पनि जानकारी गराइन्छ । त्यसको लागि अभिमुखिकरण कार्यक्रम गरेका हौं ।’
२०८० सालमा भर्ना भएका विद्यार्थीहरुको लागि मोटिभेसन गराउन दक्ष प्रध्यापक र शिक्षकहरु पनि ल्याएको छ । उनीहरूले विद्यार्थीलाई पठनपाठन गर्ने कला र उत्प्रेरणा जोगाउने विषयको बारेमा जानकारी गराउनेछन् ।शिक्षादीप कलेज अब्बल शैक्षिक संस्थाको रूपमा परिचित रहेको छ ।
सक्षम नेतृत्व, कुशल व्यवस्थापन, उत्कृष्ट शैक्षिक वातावरण तथा मिहिनेती प्राध्यापक, शिक्षक शिक्षिका भएर गुणस्तरीय शिक्षा प्रदान गरेको कारणले शिक्षादीपमा विद्यार्थी अध्ययन गर्न लालहित हुने गरेको छ ।शिक्षादीप कलेजले काठमाण्डौ भ्यालीबाहिरबाट पहिलो पटक नेपाल प्रथम र तृतीय भई कीर्तिमानी कायम गरेको थियो । भ्यालीबाहिर सबैभन्दा धेरै विद्यार्थी भर्ना हुने मध्येको एक कलेजको रुपमा शिक्षादीप रहेको छ ।
साथै यस कलेजको भौतिक पूर्वाधार, अनुशासन, पठनपाठन, कक्षा ११ र १२ को नतिजा, चिकित्सा शिक्षा र इन्जिनियरिङको प्रवेश परीक्षामा नाम निकाल्ने विद्यार्थीहरुको संख्या तथा विगत पाँच वर्षदेखिको विद्यार्थी भर्नादर र कोशी प्रदेशकै सबैभन्दा धेरै विद्यार्थीहरुको रोजाइ भएको आदिका आधारमा शिक्षादीपलाई उत्कृष्ट कलेजको रुपमा छनौटमा पनि पर्दै आएको छ ।
कार्यक्रममा उत्पेरक डा.मिलन गैरे, कलेजका निर्देशक ललितनारायण्न मण्डर, निर्देशक रमेश मण्डललगायतले बोलेका थिए । कार्यक्रममा कक्षा १२ का विद्यार्थीले नृत्य गरेर थप मनोरञ्जन प्रदान गरेका थिए ।
