Nepal Times
Nepal Times
3
Shares

एभरेष्टका विद्यार्थीले सार्वजनिक गरे ‘द एभरेष्ट एक्सप्रेस’

एभरेष्टका विद्यार्थीले सार्वजनिक गरे ‘द एभरेष्ट एक्सप्रेस’

५ भदौ, विराटनगर ।

विराटनगरस्थित एभरेष्ट कलेज विराटनगरका विद्यार्थीले डिजिटल पत्रिका प्रकाशन गरेका छन् । कक्षा ११ र कक्षा १२ का विद्यार्थीले ‘द एभरेष्ट एक्सप्रेस’ नामक डिजिटल पत्रिका प्रकाशन सुरु गरेका हुन् ।

एभरेष्ट एक्सप्रेसको पहिलो संस्करणको अनावरण कलेजका प्रिन्सिपल टिकाराम पुरीले गरे । पहिलो संस्करणमा ११ पेज समावेश छन् ।

एभरेष्ट एक्प्रेस प्रकाशनका लागि अभिनभ बस्नेतको नेतृत्वमा सम्पादकीय टिम बनाइएको छ । विद्यार्थीको सम्पादकीय टिममा बस्नेतसँगै वैभव घिमिरे,अनुभव बस्नेत, रक्षा कोइराला,शंकर यादव,सामिप्य रुपाखेती, केशिका श्रेष्ठ, खिलाराज ढकाल र अप्सनी बुढाथोकी छन् ।

कलेजका भाइसप्रिन्सिपल नारायण कडरीयाका अनुसार मासिक रुपमा प्रकाशन हुने एभरेष्ट एक्सप्रेसमा विद्यार्थीले आफ्ना रचनासँगै उनीहरुले गरेका खोज र लेखेका सृजनात्मक सामाग्री समावेश गर्नेछन् ।

हरेक महिनाको १ गते विद्यार्थीको टोलीले प्रकाशन गर्ने एभरेष्ट एक्सप्रेसमा एभरेष्ट एजुकेशन फाउन्डेशन भित्रका गतिविधि पनि समावेश हुनेछन् ।

पहिलो संस्करणमा हलिउड फिल्म ओपनहाइमरको रिभ्यूदेखि टाइटनिक हेर्न जाँदा डुबेको टाइटन पन्डुब्बीको कथा समावेश गरेका छन्,’ उनले भने,‘ विद्यार्थीहरुले आफ्ना रचनासँगै मिथिला चित्रकला र सृजना पनि समावेश गरेका छन् ।

एभरेष्ट एक्सप्रेसले नियमित अध्ययनसँगै विद्यार्थीको सृजनात्मक लेखन सीप र नेतृत्व विकासमा सहयोग गर्ने उनले बताए ।

विद्यार्थीको अगुवाईमा प्रकाशन सुरु भएको एभरेष्ट एक्प्रेसले कलेजमा भएका प्रतिभालाई बाहिर ल्याउन अवसर प्रदान गर्ने कलेजका प्रिन्सिपल टीकाराम पुरीले जानकारी दिए ।

एभरेष्ट एक्प्रेसले विद्यार्थीमा निहित प्रतिभालाई प्रस्फुटन गर्ने साझा प्लाटफर्मको रुपमा काम गर्नेछ,’ प्रिन्सिपल पुरीले भने,‘ विद्यार्थीमा रचनात्मक लेखन र अध्ययनको क्षेत्रलाई पनि बढाउनेछ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.