काठमाडौं,भदौ २३
हुम्लाको सदरमुकाम सिमिकोट राष्ट्रिय सडक सञ्जालमा जोडिने भएको छ ।
हिल्सादेखि सिमिकोटसम्म ९५ किलोमिटर लामो ट्र्याक खोलिएपछि हुम्ला राष्ट्रिय सडक सञ्जालमा जोडिने भएको हो ।
योजना प्रमुख शशंक मिश्रका अनुसार निर्माणाधीन हिल्सा–सिमिकोट सडक खण्ड अन्तिम चरणमा पुुगेको छ ।
अब साढे ४ सय मिटर सडक खन्न बाँकी रहेको र बाँकी ट्र्याक खोल्न २ महिना लाग्ने पनि उनले बताए ।अहिले सडक खण्डको भिर पहरा भएको स्थानमा विष्फोटक पदार्थ प्रयोग गरी ट्र्याक खोल्ने काम भइरहेको छ ।
सिमिकोट र डोल्पाको सदरमुकाम दुनैबाहेकका सबै जिल्लाको सदरमुकाम राष्ट्रिय सडक सञ्जालमा जोडिइसकेका छन् ।
