विराटनगर,भदौ २३
स्वास्थ्य राज्यमन्त्री सुरेन्द्रप्रसाद यादवले विराटनगर स्थित कोशी अञ्चल अस्पताललाई शिक्षण अस्पतालको रुपमा विकासगर्न संघीय सरकार तयार रहेको बताएका छन् । उनले अस्पताललाई शिक्षण अस्पतालको रुपमा विकासगर्न जस्तोसुकै सहयोग रहने सरकार प्रतिबद्ध रहेको बताए । विराटनगर स्थित कोशी अञ्चल अस्पतालको निरिक्षण पछि संचारकर्मीसंग कुराकानी गर्दै उनले तराईको सवैभन्दा पूरानो अस्पतालको रुपमा चिनिने कोशी अञ्चल अस्पतालको सुधारका लागि सरकारले चाँडै विभिन्न उपकरण अस्पताललाई उपलव्ध गराउने समेत बताएका छन् ।
अहिलेको संरचना अनुसार सहज रुपमा स्वास्थ्यसेवा पु¥याउन केही समस्या भएको भन्दै जिल्ला जनस्वास्थ्य कार्यालय जस्ता स्वास्थ्य सम्वन्धि संरचना प्रत्येक जिल्लामा कुनै न कुनै रुपमा राख्नु आवश्यक रहेको उनले वताए । राज्यमन्त्री यादवले वालवालिकाका लागि खोप कार्यक्रम परिवार नियोजन लगायत भिटामिन ए खुवाउने जस्ता महत्वपुर्ण कार्यक्रम संचालन गर्न जिल्ला जनस्वास्थ्य कार्यालय जस्तै प्रत्येक जिल्लामा यस्तो खालको कार्यालय स्थापनाको तयारी भईरहेको समेत बताएका छन् ।
सवैक्षेत्रमा सहज रुपले औषधि पु¥याउन सहज हुनेगरी सातवटै प्रदेशमा सरकाले मेडिकल स्टोर स्थापनागर्ने तयारी गरिरहेको पनि उनले बताए । स्वाथ्य विमा कार्यक्रमलाई प्रभावकारी वनाउन चालु आर्थिकवर्षमा सरकारले ६ अर्व रकम छुटयाएको भन्दै यो कार्यक्रम अव सवै जिल्लामा संचालनमा आउने उनले पानकारी दिएका छन् । यस कार्यक्रम अन्र्तगत गतवर्ष दुई अर्व रकमखर्च भएको उनको भनाई छ ।
यसैबीच राज्यमन्त्री यादवले मुुलुुकी फौजदारी ऐन आचारसंहिताको विषयलाई लिएर अब चिकित्सकहरुले आन्दोलन गर्नु नपर्ने वताएका छन् । मुलुकी ऐन आचार संहिताका लागि संशोधन प्रस्ताव संसदमा गई सकेकाले आन्दोलन आवश्यक नरहेको वताएका हुन् । उनले चिकित्सक जस्तो जिम्मेवार वर्गहरुवाट विरामीको उपचार नै बन्द गरेर आन्दोलनमा उत्रनु राम्रो काम नभएको वताए ।
