विराटनगर : देशभरबाट उत्कृष्ट बन्न सफल विराटनगर–६ स्थित एभरेष्ट स्कुलले राष्ट्रिय पुरस्कार प्राप्त गरेको छ । ३९ औँ राष्ट्रिय शिक्षा दिवस–२०७५ तथा अन्तराष्ट्रिय साक्षरता दिवसको अवसरमा शनिबार काठमाडौँमा आयोजित समारोहमा प्रधानमन्त्री केपी शर्मा ओलीले विद्यालयलाई उत्कृष्ट पुरस्कार प्रदान गरेका हुन् । यो समाचार आजको उद्घोष दैनिकमा छापिएको छ ।
प्रज्ञा भवन कमलादीमा आयोजित कार्यक्रममा उत्कृष्ट बनेको एभरेष्टका प्रिन्सिपल टिकाराम पुरीले राष्ट्रिय शिल्ड,ध्वजा, उत्कृष्ट विद्यालयको प्रमाणपत्र सहित नगद दुईलाख रुपैँया ग्रहण गरे ।
शिक्षा विज्ञान तथा प्रविधि मन्त्री गिरिराजमणि पोखरेलको अध्यक्षतामा भएको कार्यक्रममा माध्यामिक शिक्षा उतीर्ण परीक्षा(कक्षा १२) मा सामुदायिकतर्फ तीन र संस्थागत तर्फ तीन गरी ६ विद्यालयलाई पुरस्कृत गरिएको हो । प्रदेश नम्बर १ बाट यो पुरस्कार पाउने एभरेष्ट एकमात्र विद्यालय बनेको छ ।
