मोरङ, भदौ २४
विराटनगर महानगरपालिका–१३ बाट प्रहरीले १ सय ७५ लिटर घरेलु मदिरा बरामद गरेको छ ।
ईलाका प्रहरी कार्यालय रानीबाट खटिएको प्रहरी टोलीले शनिबार विराटनगर महानगरपालिका १३ स्थित रहेका विभिन्न भट्टी पसल तथा होटलहरुमा चेकजाँच गर्ने क्रममा तयारी अबस्थामा रहेको १ सय ७५ लिटर तयारी मदिरा, मदिरा बनाउन प्रयोग गरिने ५० थान भाँडावर्तन र २४ सय लिटर कच्चा पदार्थ फेला पारी बरामद गरेको हो ।
बरामद गरिएको मदिरा आन्तरिक राजश्व कार्यालय मोरङमा बुझाउने तयारी भईरहेको ईलाका प्रहरी कार्यालय रानीले जनाएको छ ।
