Nepal Times
Nepal Times
4.27k
Shares

३७ लाखको घडीलाई ५० लाख जरिवाना, एयरपोर्टमा समातिए अर्नोल्ड

३७ लाखको घडीलाई ५० लाख जरिवाना, एयरपोर्टमा समातिए अर्नोल्ड

४ माघ ,एजेन्सी ।

हलिउड चर्चित स्टार अर्नोल्ड श्वार्जनेगर जर्मनीको म्युनिख विमानस्थलमा पक्राउ परेका छन् । उनी भन्सार अनुमति विना महँगो खालको घडी लिएर गएपछि विमानस्थलमा समातिएका हुन् । सञ्चारमाध्यमहरुका अनुसार अडेमर्स पिगुएटको घडीको मूल्य २६ हजार युरो अर्थात नेपाली झण्डै ३७ लाख भन्दा बढी रहेको थियो ।

अमेरिकाको लस एञ्जलसबाट जर्मनी पुगेका ७६ वर्षीय अभिनेता अर्नोल्डलाई म्युनिख विमानस्थलमा भन्सार अधिकारीहरूले करिब तीन घण्टा रोकेर राखेका थिए । जर्मन ट्याबलोइड बिल्डका अनुसार भन्सार अधिकारीहरूले तलासी लिँदा अर्नोल्डको साथमा महँगो घडी फेला पारेका छन् ।

अभिनेताले अराभल कस्टम फारममा घडीबारे कुनैपनि जानकारी गराएका थिएनन् । उनीविरुद्ध भन्सार विभागले क्रिमिनल ट्याक्स प्रोसिडिङ शुरु गरेका छन् । घडी आयातित भएकोले फारममा खुलाउनुपर्थ्यो । भन्सारका अधिकारीहरूले अर्नोल्डलाई ३५ हजार युरो शुल्क तिराएको छ ।

यसमा ४ हजार युरो कर र ५ हजार युरो जरिवानासमेत संलग्न थियो । जुन घडीको मूल्यभन्दा पनि बढी हो । अर्नोल्डका अनुसार घडी श्वार्जनेगर क्लाइमेट इनिशिएटिभका लागि दान दिन लागिएको थियो । यो घडीको लिलामी बिहीबार अस्ट्रियाको स्की रिजोर्ट कित्जब्यूेहलमा एक कार्यक्रममा लिलामी गरिने बताइएको छ ।

उनले त्याहा वातावरण संरक्षणको लागि रात्रिभोज र लिलामीमा भाग लिने कार्यक्रम छ। सन् १९८४ मा रिलिज भएको अर्नोल्डको फिल्म ‘टर्मिनेटर’ को सफलतापछि उनले एक्सन हिरोको रुपमा पहिचान पाए । यसपछि उनले ’टोटल रिकॉल’, ’द लस्ट स्ट्यान्ड’ जस्ता धेरै फिल्महरूमा काम गरे। अर्नोल्ड एक अभिनेता मात्र होइनन्, उनी राजनीतिमा पनि प्रवेश गरेका छन् र एक सफल व्यवसायी पनि हुन् । उनका विश्वभर करोडौं प्रशंसकहरु रहेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.