Nepal Times
Nepal Times
234
Shares

नेपालमा अहिलेसम्मै ठूलो अन्तर्राष्ट्रिय सम्मेलन हुँदै

नेपालमा अहिलेसम्मै ठूलो अन्तर्राष्ट्रिय सम्मेलन हुँदै

२५ माघ काठमाण्डौ ।
नेपालमा ‘आइडेन्टिफिकेसन फर डेभलपमेन्ट (आईडी)’ सम्मेलन हुने भएको छ । आईडी विश्व बैंक समूहको संस्था हो । लगानी सम्मेलनको निर्देशक समितिको तेस्रो बैठकमा अर्थमन्त्री डा. प्रकाशशरण महतले यस्तो जानकारी गराएका छन् ।

उनका अनुसार आगामी जुन महिनामा यस्तो सम्मेलन हुने भएको हो । यसको औपचारिक पत्र केही दिनमा आउने समेत उनले बताए । यो अहिलेसम्म नेपालमा आयोजना हुने सबैभन्दा ठूलो अन्तर्राष्ट्रिय सम्मेलन हुने उनको भनाइ छ ।

सम्मेलनमा विश्व बैंकका अध्यक्षलगायत ९२ भन्दा बढी देशको प्रतिनिधि सम्मेलनमा सहभागी रहने अर्थमन्त्री डा. महतले बताए । त्यो अगाडि अप्रिल २८–२९ (१६–१७ वैशाख) मा नेपालमा लगानी सम्मेलन हुँदैछ ।

लगानी सम्मेलनलाई उपलब्धिमूलक बनाउन सके नेपालमा बहुराष्ट्रिय कम्पनी मात्र होइन, निजी लगानी समेत बढ्ने सम्भावना रहेको उनले बताए । बैठकमा अर्थमन्त्री डा. महतले नेपालमा लगानी गर्न अन्तर्राष्ट्रिय लगानीकर्ताहरूबाट चासो प्राप्त भइरहेको समेत बताए ।

उनले गम्भीर भएर परियोजनाको तयारी गर्न समेत निर्देशन दिए । ‘लगानी आकर्षण गर्न हाम्रा लागि अभूतपूर्व अवसर छ, विदेशी लगानीकर्ताका साथै नेपाली लगानीकर्ता एवम् गैरआवासीय नेपालीलाई समेत आकर्षित गर्न कानुनी र नीतिगत सुधारमा सरकारले कुनै कसर बाँकी राख्ने छैन,’ अर्थमन्त्रीले भने ।

लगानी सहजीकरण, परियोजना कार्यान्वयन र सञ्चालन तथा नाफा फिर्ता लैजान सरल व्यवस्था गरी नेपाल लगानीको उत्कृष्ट गन्तव्य हो भन्ने सन्देश विश्व समुदायमा पु¥याउन लगानी सम्मेलनको प्रमुख ध्येय रहेको अर्थमन्त्री महतको भनाइ थियो ।

महतले विदेशी लगानीकर्ता नेपालमा लगानी गर्न बढी इच्छुक हुँदै गएको पनि बताएका छन् । विगतमा विदेशी लगानीकर्ता नेपाल आफैँ सम्पर्कमा जाँदा समेत उदासीन हुने गरेको उनले उल्लेख गरे ।

अहिले लगानी गर्न उनीहरू आफैँ खोज्दै आइरहेको अर्थमन्त्रीको भनाइ छ । उनले विदेशी लगानीकर्ता इच्छुक भएको समयलाई नेपालले उपयोग गर्न सक्नुपर्ने बताए । आउँदो वैशाख १६ र १७ गते हुने लगानी सम्मेलनलाई ‘ग्रान्ड सक्सेस’ बनाउन उनले आग्रह गरेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.