Nepal Times
Nepal Times
1.44k
Shares

नवाज सरिफले हारे चुनाव, इमरानका समर्थक १५४ स्थानमा अगाडि

नवाज सरिफले हारे चुनाव, इमरानका समर्थक १५४ स्थानमा अगाडि

२६ माघ, एजेन्सी ।

अस्थिरता र प्रतिपक्षलाई चुनाव नै लड्न नपाउने गरी प्रतिबन्ध लगाएर देशभरमा मोबाइल नेटवर्क बन्द गर्दै विहीबार सम्पन्न पाकिस्तानको आम निर्वाचनको सुरुवाटती परिणाम सार्वजनिक भएको छ । स्थानीय सञ्चारमाध्यमका अनुसार पूर्व प्रधानमन्त्री नवाज शरीफले मानसेरा सिटबाट चुनाव हारेका छन् ।

उनले स्वतन्त्र उम्मेदवार साहजादा गास्तासापबाट पराजय भोगेका हुन् । अर्काे सिटमा पनि उनी पछि छन् । उनकी छोरी मरियमले पनि चुनाव जितेकी छन् । हालसम्म १४ सिटको नतिजा आएको छ । १४ मध्ये ६ सिटमा क्रिकेटरबाट राजनीतिज्ञ बनेका पाकिस्तान तहरीक–ए–इन्साफ (पीटीआई)का संस्थापक अध्यक्ष इमरान खान समर्थित उम्मेदवारले जितेका छन् ।

निर्वाचन आयोगले उनलाई चुनाव लड्न प्रतिबन्ध लगाएको थियो । पीटीआईलाई चुनावी चिन्ह ‘क्रिकेट ब्याट’ प्रयोग गर्न रोक लगाइए पछि पीटीआईका उम्मेदवारले स्वतन्त्र रूपमा चुनाव लडिरहेका थिए । निर्वाचनको नतिजा आउन ढिलो भएपछि नतिजामा हेरफेरको आरोप लागेकोछ ।

पाकिस्तानको निर्वाचन आयोगले अहिलेसम्म खैबर–पख्तुनख्वाका चार वटा नतिजा आधिकारिक रूपमा अपलोड गरेको छ । यसमा सबै पीटीआई समर्थित स्वतन्त्र उम्मेदवारहरूले जितेका छन् । हालसम्म पीटीआई–स्वतन्त्रले छ सिट जितेका छन् ।

पाकिस्तान पिपुल्स पार्टी (पीपीपी)ले पाँच र पाकिस्तान मुस्लिम लिग–नवाज (पीएमएल–एन)ले तीन सिट जितेका छन् । हालसम्म निर्वाचन आयोगले राष्ट्रिय सभाका ११ सिटको नतिजा सार्वजनिक गरेको छ । तर, यो नतिजा अन्तिम नभएको बीबीसीले जनाएको छ ।

हालसम्मको नतिजामा पाकिस्तान मुस्लिम लिग–नवाज अर्थात् पीएमएलएनले राष्ट्रियसभामा पाँच सिट जितेको छ । तीमध्ये तेहरिक–ए–इन्साफ अर्थात् पीटीआईलाई समर्थन गर्ने चार उमेदवार विजयी भएका छन् । बिलावल भुट्टो जरदारीको पार्टी पाकिस्तान पिपुल्स पार्टीले राष्ट्रियसभामा दुई सिट जितेको छ ।

पूर्वप्रधानमन्त्री तथा पाकिस्तान मुस्लिम लिग–नवाजका अध्यक्ष शेहबाज शरीफ लाहोरको सिटबाट विजयी भएका छन् । सामाजिक सञ्जालमा इमरान खानलाई समर्थन गर्ने स्वतन्त्र उम्मेदवार १५० भन्दा बढी सिटमा अगाडि रहेको दाबी गरिएको छ ।

नेटिजन्सका अनुसार पीटीआई समर्थित उम्मेदवारले राष्ट्रिय सभाका १५४ सिटमा अग्रता लिएका छन् । पाकिस्तान पिपुल्स पार्टी (पीपीपी) र पाकिस्तान मुस्लिम लिग–नवाज (पीएमएल–एन) पार्टी ४७–४७ सिटमा अगाडि छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.