Nepal Times
Nepal Times
3
Shares

शिक्षाक्षेत्रको सुधारका लागि विराटनगरमा दबाब यात्रा

शिक्षाक्षेत्रको सुधारका लागि विराटनगरमा दबाब यात्रा

२६ माघ,विराटनगर ।

प्राज्ञिक विद्यार्थी परिषद् नेपालले शुक्रबार विराटनगरमा शिक्षाक्षेत्रको समग्र सुधारका लागि विद्यार्थी दबाब यात्राको आयोजना गरेको छ । प्राज्ञिक विद्यार्थी परिषद् नेपाल सगरमाथा एवम् जानकी प्रदेश संगठन सचिव एवम् केन्द्रीय विश्वविद्यालय कार्य प्रमुख छितराज न्यौपाने लगायतको सहभागितामा परिषद्ले राष्ट्रव्यापी शैक्षिक अभियान २०८० अन्तर्गत शिक्षाक्षेत्रको समग्र सुधारका लागि विद्यार्थी दबाब यात्राको आयोजना गरिएको हो ।

दबाब यात्रामा न्यौपानेसहित परिषद्का राष्ट्रिय सचिव विवश कटुवाल,परिषद्की कोशी प्रदेश सहसचिव मुना बिष्ट परिषद्का सदस्य एवम् विराटनगरका १४ वटा शैक्षिक संस्थाहरूबाट १२ सयभन्दा धेरै विद्यार्थीहरुको सहभागिता रहेको परिषद्का विराटनगर महानगर कमिटिका उपसचिव अभिषेक पोखरेलले जानकारी दिए ।

विद्यार्थी दबाब यात्रालाई सम्बोधन गर्दै परिषद्का केन्द्रीय विश्वविद्यालय कार्य प्रमुख न्यौपानेले विश्वविद्यालयका पदाधिकारी नियुक्ति राजनीतिक भागबन्डाको आधारमा गरिने गलत परिपाटीले शिक्षाक्षेत्र धारासायी भएकोले शिक्षाक्षेत्रको दलीय राजनीति भागबन्डाको अन्त्य गर्नुपर्नेमा जोड दिएका थिए ।

उनले प्रवेश, परीक्षा परिणाम पात्रो, परिसर, प्रश्नपत्र एवम् पाठ्यक्रम, मूल्याकंन पद्धति र शिक्षण विधिमा सुधार गर्नुपर्ने, माध्यमिक तहको शिक्षा अनिवार्यरूपमा निःशुल्क गरिनुपर्ने, विश्वविद्यालयको कुलपति प्रधानमन्त्री हुने व्यवस्थालाई हटाइ प्राज्ञिक व्यक्तिलाई नियुक्ति गर्ने नीति अवलम्बन गरिनुपर्ने, क्याम्पस , विश्वविद्यालयहरूमा महापुरुष, नेपालको इतिहास, भाषा, संस्कृति आदि पाठ्यक्रममा समावेश हुनुपनेृमा विशेष जोड दिएका छन् ।

कार्यक्रममा विद्यार्थी परिषद्का राष्ट्रिय सचिव कटुवालले शिक्षामा वैदेशिक लगानी अन्त्य गर्दै २० प्रतिशत बजेट विनियोजन हुनुपर्ने साथै सरकारी कर्मचारीको बालबालिकालाई पनि सरकारी बिद्यालयमा पढ़ाउनु पर्ने र शैक्षिक स्तर सुधार हुनुपर्नेमा जोड दिएका थिए । शैक्षिक क्षेत्रलाई राजनीति मुक्त क्षेत्र वनाई शिक्षाको गुणस्तर वृद्धि गर्ने उद्धेश्यसहित २०५२सालमा स्थापना भएको परिषद्मा अहिले ४० हजार सदस्य रहेका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.