Nepal Times
Nepal Times
2.34k
Shares

नेपाल ‘ए’लाई पहिलो खेलमै धक्का,क्यानडासंग पराजित

नेपाल ‘ए’लाई पहिलो खेलमै धक्का,क्यानडासंग पराजित

६ फागुन ,काठमाण्डौ ।

क्यानडासंगको तीन खेलको एकदिवसीय शृङ्खलाको पहिलो खेलमा नेपाल ‘ए’ ४ विकेटले पराजित भएको छ । जितका लागि २१७ रनको लक्ष्य पाएको क्यानडा ११ ले ६ विकेट गुमाएर भेट्टाएको थियो । माथिल्लो मुलपानी क्रिकेट मैदानमा टस हारेर पहिला ब्याटिङको निम्तो पाएको नेपाल ‘ए’ ले निर्धारित ५० ओभरमा आठ विकेट गुमाउँदै २१६ रनको योगफल बनाएको थियो ।

नेपाल ‘ए’ का लागि बसिर अहमदले सर्वाधिक ५० रनको योगदान दिए । उनले ५५ बलमा तीन चौका र एक छक्काको मद्दतले अविजित ५० रन बनाएका हुन् । त्यसैगरी रासिद खानले ४० रन बनाए भने मयन यादवले ३५ रन जोडे । किरण ठगुन्नाले २५, विवेककुमार यादवले २१ र सन्दीप जोराले १४ रन बनाए ।

क्यानडका लागि कप्तान साद बिन जाफले तीन विकेट लिए भने इश्वरजीत सोहीले दुई विकेट झारे । त्यस्तै डिलोन हेलिगर, हर्ष ठेकर र शाहिद अहमदजाइले समान एक÷एक विकेट लिए । नवानित धलिवल र निखिल दत्तले अर्धशतक प्रहार गरे । निखिल ६७ रनमा नटआउट रहे ।

संयमित इनिङ खेलेका उनले १ सय १५ बलमा ५ चौका र १ छक्का प्रहार गरे । श्रेयास मोभाले २७ बलमा २ चौकासहित २३ रन जोड्दै साथ दिए । सागर ढकालको बलमा क्याच आउट हुनुअघि धलिवलले ८० रन जोडे । उनले ७६ बलमा १० चौका र २ छक्का प्रहार गरे ।

यसैबीच डिशहोमले पाकिस्तान सुपर लिगको प्रत्यक्ष प्रसारण आफ्नो एक्शन स्पोर्ट्स एचडी च्यानलमा विशेष रूपमा गर्ने भएको छ । नेपालीहरुको क्रिकेट प्रतिको माया र साथ देखेर १७ फेब्रुअरीबाट प्रत्यक्ष प्रसारण गरिएको डिशहोमले जनाएको छ ।

१७ फेब्रुअरीदेखि मार्च १८, २०२४ सम्म नेपालभरका दर्शकहरूले पाकिस्तान सुपर लिगका सबै लाइभ एक्शनहरू हेर्ने रोमाञ्चक अवसर पाउनेछन् । रोमाञ्चक क्याचदेखि सनसनीपूर्ण रन चेजसम्म, पीएसएलले उत्कृष्ट रूपमा क्रिकेटको उत्साह प्रदान गर्ने वाचा गरेको छ ।

एक्शन स्पोर्ट्स एचडी मा यो विशेष प्रसारणको साथ, क्रिकेट प्रेमीहरूले वर्षको सबैभन्दा प्रत्याशित क्रिकेट घटनाहरू मध्ये एकको विद्युतीय वातावरणमा आफू रम्न सक्ने कम्पनीको विश्वास छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.