Nepal Times
Nepal Times
765
Shares

मेलम्चीमा पनि भ्रष्टाचार,कसले कति खाए ?को–को हुन् आरोपी ?

मेलम्चीमा पनि भ्रष्टाचार,कसले कति खाए ?को–को हुन् आरोपी ?

६ फागुन ,काठमाण्डौ । 

काठमाडौं उपत्याकावासीको वर्षाैदेखिको खानीपानीको सपना बनेको मेलम्ची खानेपानी आयोजनामा समेत ब्यापक भ्रष्टचार भएको खुलेको छ । मेलम्ची खानेपानी आयोजनामा भ्रष्टाचार गरेको आरोपमा पूर्वसचिव भीम उपाध्यायसहित १८ जनाविरूद्ध मुद्दा दायर गरेको छ ।

अख्तियार दुरुपयोग अनुसन्धान आयोगले सो परियोजनामा भ्रष्टाचार गरेको अभियोगमा तीन पूर्व सचिवसहित १८ जनालाई मुद्धा दायर गरेको छ । आइतबार आयोगले मेलम्ची खानेपानी विकास समितिको बोर्डका तत्कालीन अध्यक्ष एवं खानेपानी मन्त्रालयका तत्कालीन सचिव डा. संजय शर्मा, भीम प्रसाद उपाध्याय, गजेन्द्र कुमार ठाकुर, समितिका कार्यकारी निर्देशकसमेत १५ जनालाई मुद्धा दायर गरेको हो ।

यसैगरी मेलम्ची खानेपानी विकास समितिका बोर्ड सदस्य मुकुन्दप्रसाद पौडेल र रुद्रसिंह तामाङ, कार्यकारी निर्देशकहरू घनश्याम भट्टराई, रामचन्द्र देवकोटा र सूर्यराज कँडेलसहित १५ नेपाली र परामर्शदातासहित तीन विदेशीलाई पनि प्रतिवादी बनाइएको छ । मुद्दा दायर गरिएकामा परामर्श दाता र ठेकेदार कम्पनी पनि छन् ।

आयोगले विशेष अदालत काठमाडौंमा आइतबार मुद्दा दर्ता गरेको प्रवक्ता नरहरि घिमिरेले जानकारी दिए । उनकाअनुसार मेलम्ची आयोजनाको निर्माण व्यवसायी सिएमसी दि रभेन्नालाई रनिङ बिलमा काम नै नगरी भुक्तानी गरेको, निर्माण व्यवसायीले छाडेर गएको मेसिन, यन्त्र, उपकरण र अन्य सामग्रीको रेन्टल चार्जसमेत कट्टा नगरी भुक्तानी गरेको आरोपपत्रमा उल्लेख छ ।

 

आयोगले तत्कालीन मेलम्ची आयोजना बोर्डका तत्कालीन अध्यक्ष तथा खानेपानी मन्त्रालयका सचिव सञ्जय शर्मा, अर्थमन्त्रालयका तत्कालीन सह–सचिव मुकुन्दप्रसाद पौडेलबाट ६ करोड ९७ लाख ८२ हजार १७८ रूपैयाँ बिगो दाबी गरेको छ ।

त्यस्तै मेलम्ची खानेपानी विकास समिति बोर्डको तत्कालीन अध्यक्ष र खानेपानी मन्त्रालयका सचिव भीमप्रसाद उपाध्यक्षसँग ४ करोड ११ लाख ३४ हजार २७९ रूपैयाँ बिगो मागदाबी गरिएको छ । मेलम्ची खानेपानी बोर्डका अध्यक्ष गजेन्द्रकुमार ठाकुरसँग ६० करोड ४९ लाख १९ हजार ८८४ बिगो माग दाबी गर्दै उनीविरूद्ध पनि मुद्दा दायर गरिएको छ ।

भीम उपाध्याय सुशासनका लागि सरकारलाई खबरदारी गर्ने क्रममा सामाजिक संजालमा अग्रणी स्थानमा देखिन्छन् । तर तिनै उपाध्याय खानेपानीमा समेत करोडौं भ्रष्टचार गरेको अभियोगमा मुछिएका छन् । सामाजिक संजालमा निकै सक्रिय उपाध्यायले सरकार, दलहरु, नेतादेखि समसामयिक संदर्भमा खरो टिप्पणी गर्दै आएका छन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.