Nepal Times
Nepal Times
6.58k
Shares

अस्पतालको बेडबाट पनि क्रिकेट हेर्दै सन्दीप

अस्पतालको बेडबाट पनि क्रिकेट हेर्दै सन्दीप

९ फागुन , काठमाण्डौ ।
नेपाल क्रिकेटका लागि सन्दीप लामिछाने इतिहासको कुनै पनि कालखण्डमा पनि नविर्सिने नाम हो । अहिले भने यी क्रिकेटर अदालतको आदेशपछि क्रिकेटभन्दा बाहिर छन् । बलात्कारको आरोपमा अदालतबाट दोषी ठहर भएपछि नेपाल क्रिकेटको कप्तान समेत रहिसकेका सन्दीप नेपाल क्रिकेट संघ क्यानबाट निलिम्बत छन् ।

जिल्ला अदालतको फैसलाविरूद्ध उनी उच्च अदालतमा पुनरावेदन गर्ने तयारीमा छन् । यसरी क्रिकेटबाट टाढा रहेपनि सन्दीपको क्रिकेटप्रतिको मोह भने कतिपनि कम भएको छैन् । उनी अहिले काठमाडौंको सिल्भरलाइन हस्पिटलमा छन् । उनको हस्पिटलको बसाईकै क्रममा नै नेपाल क्रिकेट टिमले आज आइसिसी विश्वकप क्रिकेट लिग–२ मा नामिबियासँगको दोस्रो खेल खेलिरहेको थियो ।

जुन खेल सन्दीपले अस्पतालको शैयाबाटै हेरेका छन् । सन्दीप दोस्रो पटक लाइपोमाको शल्यक्रियाका क्रममा काठमाडौंको सिल्भरलाइन हस्पिटलमा भनाइ भएका छन् । उनको शल्यक्रिया भएको बताइएको छ। सोमबार साँझ शल्यक्रिया सकिएको हो। शरीरका विभिन्न अंगमा रहेका ७ वटा गाँठाहरू हटाइएको अस्पताल स्रोतले जानकारी दिएको छ। यो शल्यक्रिया उनको दोस्रोपटक हो।

गत वर्ष सन्दीपले पहिलो पटक लाइपोमाको शल्यक्रिया गराएका थिए। पहिल्यैदेखि समस्या भोग्दै आए पनि क्रिकेटमा व्यस्तताले गर्दा सन्दीपले शल्यक्रिया गराउन भ्याएका थिएनन्। लाइपोमा गोलाकार वा अण्डाकार आकारको तन्तु हो, जुन छाला र मासुको बीचमा जमेर बसेको हुन्छ ।

बोसोले बनेको यो तन्तु शरीरका विभिन्न ठाउँमा त कहिले एकै भागमा मात्र पनि आउन सक्छ । चिकित्सकका अनुशार जुनसुकै भागमा देखिने लाइपोमा खासगरी निधार घाँटी, ढाड, हात, पेटमा धेरै देखिन्छ । प्रत्येक हजार जनामध्ये एक जनामा कुनै न कुनै समयमा लाइपोमा देखिन सक्छ ।

यद्यपि यो समस्या त्यति खतरनाक नभएकाले आत्तिहाल्नु पर्दैन । लाइपोमा के कारणले आउँछ भन्ने ठोस प्रमाण भेटिएको छैन । सामान्यतयाः मध्यम उमेरका पुरुष र महिलामा यो बढी देखिने गरेको छ । तर आजभोलि उक्त उमेर समूहभन्दा अरुमा पनि यो समस्या देखिएको छ । परिवारमा पहिले कसैलाई लाइपोमा आएको छ भने अरुलाई पनि देखिन सक्ने चिकित्सकहरु बताउँछन् ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.