मोरङ, भदौ २८
मोरङको विराटनगर महानगरपालिका–१५ स्थित १ नम्बर ढाटबाट बुधबार ४ जना महिलाको उद्धार गरिएको छ ।
दिउँसो सवा ३ बजेको समयमा विराटनगरबाट जोगवनी हुँदै ओमान तर्फ जाने क्रममा धनकुटा नगरपालिका–१० बस्ने ३७ बर्षीया, दमक नगरपालिका–१ बस्ने २० बर्षीया, धनकुटा नगरपालिका–३ बस्ने २४ बर्षीया र काठमाण्डौ महानगरपालिका–३५ बस्ने २८ बर्षीया महिलाको उद्धार गरिएको हो ।
सीमा नाकामा सुरक्षार्थ खटिएको नेपाल प्रहरी, विश्व सेवा बिस्तार संस्था र साना हात नामक संस्थाले सोधपुछ गर्ने क्रममा शंका लागि उनीहरुलाई उद्धार गरिएको हो । उनीहरुलाई विश्वसेवा बिस्तार संस्थाको संरक्षणमा राखिएको जिल्ला प्रहरी कार्यालय मोरङले जनाएको छ ।
