Nepal Times
Nepal Times
909
Shares

टर्कीमा क्रोमाइट खानी भत्कियो

टर्कीमा क्रोमाइट खानी भत्कियो

१५ फागुन,  एजेन्सी । 

टर्कीको पूर्वी प्रान्त एलाजिगमा सोमवार क्रोमाइट खानी भत्किँदा केही मानिसहरु बेपत्ता भएका छन् । जसमध्ये ४ जनाको उद्धार गरिएको बताइएको छ । टर्कीको ऊर्जा तथा प्राकृतिक स्रोत मन्त्रालयले बेपत्ताको खोजि कार्य जारी राखेको बताएको छ । पालु जिल्लामा रहेको खानी भत्किएको हो ।

इलाजिगका गभर्नर ओमेर तोरामारले लिखित बयानमा टर्कीका अधिकारीहरूले घटनाबारे न्यायिक र प्रशासनिक अनुसन्धान शुरु गरेको बताए । फेब्रअरी १३ मा पूर्वी प्रान्त एर्जिनकानमा रहेको सुन खानीमा पहिरो जाँदा नौ जना कामदार बेपत्ता भएका थिए । यससँगै टर्कीमा खानी सुरक्षाको बारेमा बहस शुरु भएको छ ।

उत्तरी ओर्डु प्रान्तमा, स्थानीय अदालतले स्थानीय वातावरणीय संघहरूले दायर गरेको मुद्दामा अल्टिनटेप खानी कम्पनीको इजाजतपत्रको लागि दिइएको समय बिस्तार रद्द गरेको छ । कम्पनीले सन् २०१५ देखि ओर्डुको फत्सा जिल्लामा सुन र चाँदीको खोजी गरिरहेको छ ।

तपाईंको प्रतिक्रिया

© copyright 2024 and all right reserved to Nepal Times | Design & Develop By : InDesign Media Pvt. Ltd.